Trausti Fannar Valsson, forseti lagadeildar Háskóla Íslands, segir að spurningar umboðsmanns Alþingis til Bjarna Benediktssonar fjármálaráðherra um sölu ríkisins á hlut í Íslandsbanka séu fyrstar til að taka á hæfi Bjana í sölunni. Nú sé fyrst verið að kanna hvaða lög og reglur eigi við um ákvarðanatöku í bankasölunni.
RÚV greinir frá þessu. Fyrir helgi spurði umboðsmaður Bjarna nokkurra spurninga í sérstöku bréfi. Bjarni var þar sérstaklega spurður um sölu á hlut til Hafsilfurs ehf., sem er í eigu föðurs Bjarna, Benedikts Sigurðssonar.
Trausti Fannar segir ekki liggja skýrt fyrir hvaða reglur giltu um ákvarðanatöku hvað varðar bankasöluna. „Síðan þarf einfaldlega að skoða nánar hvaða reglur um meðferð opinbers valds giltu að öðru leyti, svo sem hæfisregla, og þá um hvaða gerninga, ákvarðanir, athafnir þær hæfisreglur giltu. Þessu hefur einfaldlega ekki verið almennilega svarað,“ hefur RÚV eftir honum.
