Hundruð þúsunda Frakka tóku þátt í kröfugöngum vítt og breitt um Frakkland í gær í tilefni frídags verkalýðsins 1. maí. Göngurnar hófust á friðsaman hátt en enduðu sums staðar með táragasi og bensínsprengjum.
Eftirlaunafrumvarpi Emmanuel Macrons Frakklandsforseta var mótmælt harðlega bæði af verkalýðsfélögum og öðrum hópum. Þegar stærsta kröfugangan í Parísarborg kom að 11 hverfi beið lögreglan mótmælenda vopnuð táragasi. Óeirðir brutust því út með þeim afleiðingum að bensínsprengjur sprungu og rúður voru brotnar í verslunum. Bensínsprengja sprakk einnig í andlitið á einum lögreglumanni.
Óeirðirnar voru ekki einungis bundnar við Parísarborg heldur kom einnig til óeirða í Lyon, Marseille og fleiri smærri borgum í Frakklandi. Á þriðja hundrað manns voru handteknir og yfir hundrað lögreglumanna særðust.
Innviðaráðherra landsins kennir öfga vinstrimönnum um óeirðirnar en mikil óánægja hefur ríkt meðal þjóðarinnar um ákvörðun ríkisstjórnarinnar um að hækka ellilífeyrisaldur úr 64 árum í 62 ár. Ekkert lát hefur verið á mótmælum vegna málsins og voru útifundir og kröfugöngur þennan 1. maí mun stærri og fjölmennari en vanalega.
