„Ég hef ákveðið að stíga til hliðar sem banka­stjóri Íslands­banka með hags­muni bank­ans að leiðarljósi svo ró geti mynd­ast vegna sátt­ar Íslands­banka við fjár­mála­eft­ir­lit Seðlabanka Íslands. Með því axla ég ábyrgð á mín­um þætti máls­ins,“ seg­ir í yf­ir­lýs­ingu Birnu Einarsdóttur, sem hún sendi út í nótt í kjölfar tilkynningar bankans um starfslok hennar.

„Það er með mikl­um trega sem ég yf­ir­gef Íslands­banka enda hef ég starfað hjá bank­an­um og for­ver­um hans í um 30 ár,“ heldur Birna áfram. „Starfsævi mín hef­ur nán­ast öll verið helguð bank­an­um og okk­ur hef­ur tek­ist að byggja upp eitt öfl­ug­asta fyr­ir­tæki lands­ins með ein­stök­um starfs­manna­hópi. Ég hef eign­ast marga góða vini bæði í hópi starfs­fólks og viðskipta­vina. Sátt fjár­mála­eft­ir­lits Seðlabanka Íslands snýr ein­göngu að þessu eina verk­efni, að öðru leyti hef­ur fer­ill minn hjá bank­an­um verið far­sæll.“

Síðan ræðir Brina um hversu mikið eigiðfé bankans hafi vaxið í hennar tíð, en eoigið fé hefur vaxið á miklum hagnaði sem verið hefur í öllum bönkunum undanfarin ár, meiri hlutfallslegur hagnaður en þekkist á byggðu bóli.

Stjórn Íslandsbank­a hef­ur ráðið Jón Guðna Ómars­son í starf banka­stjóra. Jón Guðni hef­ur starfað hjá Íslands­banka og for­ver­um hans frá ár­inu 2000 og gegnt starfi fram­kvæmda­stjóra fjár­mála bank­ans frá 2011. Hann mun áfram gegna stöðu fram­kvæmda­stjóra fjár­mála þar til ráðið hef­ur verið í þá stöðu.

„Fyr­ir hönd stjórn­ar vil ég þakka Birnu Ein­ars­dótt­ur fyr­ir mörg far­sæl ár í starfi hjá bank­an­um. Birna hef­ur byggt upp sterk­an banka og öfl­uga liðsheild sem við mun­um áfram búa að. Hún hef­ur að sönnu verið hreyfiafl og haldið gild­um um jafn­rétti, fjöl­breyti­leika og sjálf­bærni á lofti inn­an sem utan fyr­ir­tæk­is­ins. Við ósk­um Birnu velfarnaðar í framtíðinni,“ skrifar Finnur Árna­son, stjórn­ar­for­maður Íslands­banka, í tilkynninguna sem send var út í nótt. Samkvæmt skýrlsu fjármálaeftirlitsins er þessi liðsheild hins með nánast hættuleg í hegðan sinni, fer ekki að reglum né lögum í störfum sínum.

Stjórn Íslandsbanka hyggst boða til hluthafafundar þar sem, samkvæmt tilkynningu, stjórn og stjórnendur munu fjalla um framkvæmd bankans á útboði Bankasýslu ríkisins á 22,5% eignarhluta ríkisins í Íslandsbanka. Stjórnin tók þessa ákvörðun í kjölfar kröfu Bankasýslu ríkisins um slíkan fund.

„Bankinn og stjórnendur harma mjög þau brot sem fram koma í sáttinni. Á hluthafafundinum verður farið ítarlega yfir málsatvik og þær úrbætur og breytingar sem þegar hafa verið gerðar eða eru í vinnslu,“ segir í tilkynningu stjórnar. Nú er ljóst að Birna verður ekki fyrir svörum á fundinum.