Í leiðara Morgunblaðsins í dag er það sagt berum orðum að slíkt sé óþol Sjálfstæðismanna á Svandísi Svavarsdóttur matvælaráðherra að það muni valda stjórnarslitum. Einnig er fullyrt að það sé ekki í raun vegna málefnaágrening, heldur sé það persónulegt. Hatur Sjálfstæðismanna á Svandísi sé kominn á það stig að þeir muni ekki styðja neitt frumvarp sem hún leggur til. Því sé stjórnin í raun dauðadæmd.

Líklegt er að Davíð Oddsson, ritstjóri blaðsins, haldi um penna. Það vekur einnig athygli í leiðaranum að engin tilraun er gerð til þess að setja væntanleg stjórnarslit í samhengi við málefni. Davíð fullyrðir einfaldlega að þetta sé persónulegt en ekki byggt á stjórnmálaskoðunum. Davíð vísar í pistil Óla Björns Kárasonar, þingflokksformanns Sjálfstæðismanna, en nánar má lesa um hann hér.

„Það er þó ekki allt í himna­lagi á stjórn­ar­heim­il­inu, líkt og Óli Björn Kára­son, þing­flokks­formaður Sjálf­stæðismanna, lýsti af nokkr­um þunga í grein hér á opn­unni fyrr í mánuðinum. Ekki vegna mál­efna­ágrein­ings – hann er alltaf ein­hver – held­ur vegna ögr­ana, óbil­girni og óheil­inda Svandís­ar Svavars­dótt­ur. Að óbreyttu er erfitt að sjá nokk­urt frum­varp henn­ar kom­ast úr þing­flokk­um stjórn­ar­liðsins í haust og þá verður þessu skjót­hætt,“ segir Davíð.

Hann virðist þó ekki hafa gefið upp alla von um að ríkisstjórnin geti haltrað fram að kosningum. „Standi vilji til þess að halda sam­starf­inu áfram þurfa for­ystu­menn rík­is­stjórn­ar­inn­ar að bera klæði á vopn­in nú þegar og svo hafa þeir fram að hausti að ganga tryggi­lega frá fram­hald­inu. Það ger­ist ekki af sjálfu sér.“