Það er ljóst að meðvirkni á Íslandi er enn mikil í ljósi þess að þegar einn allra umdeildasti stjórnmálamaður frá sjálfstæði segir loksins af sér þá eru margir sem vilja slá hann til riddara. Flestir úr röðum svokallað vinstri flokka. Einn þeirra sem er ekki þjakaður af meðvirkni hvað þetta varðar er Illugi Jökulsson, rithöfundur og fjölmiðlamaður. Hann bendir á að þetta sé aumt sjónarspil ef Bjarni er ekki fara lengra en í annað ráðuneyti. Hann sé í raun einungis að skipta um skrifstofu.
„Það væri ótrúlega aumt af Bjarna að ætla sér nú að taka við utanríkisráðuneytinu eftir að hafa slegið sig til riddara — með heilmiklum rétti — fyrir að axla ábyrgð eftir álit umboðsmanns. Það væri líka ótrúlega aumt af VG að láta það viðgangast að þeirra helsti vinur í ríkisstjórninni líti þá greinilega á stjórnina sem vettvang fyrir pólitískt bellibrögð — ef það er rétt að þetta sé fyrst og fremst hælkrókur gegn Svandísi Svavarsdóttur,“ segir Illugi á Facebook.
Hann segist ekki sannfærður um þá kenningu að þetta sé til þess að koma höggi á Svandísi Svavarsdóttur. „Með fullri virðingu reyndar fyrir Svandísi, þá trúi ég því ekki að hún sé svo mikilvæg að formaður Sjálfstæðisflokksins láti hrekjast úr embætti öðru sinni bara til að koma höggi á hana. Og að svo mæltu: Hvernig sem á málið er litið, að formaður stærsta flokksins á þingi segi af sér næstvaldamesta ráðherraembættinu vegna álits umboðsmanns alþingis, það er mikið og lofsvert fordæmi sem aðrir óhæfir ráðherrar geta héðan í frá ekki horft framhjá,“ segir Illugi.
