Hundruð handtekin á aðallestarstöð New York í mótmælum sem kröfðust vopnahlés á Gasa

Hundruð mótmælenda voru handtekin í setuaðgerð á aðallestarstöð New York borgar, Grand Central Station, á föstudagskvöld. Þúsundir mótmælenda kröfðust þar vopnahlés á Gasa og kyrjuðu slagorðið: „No more weapons. No more war. Ceasefire is what we’re fighting for.“

Mótmælin voru skipulögð af samtökum Gyðinga sem lýsa sig andsnúin hernámi og hernaðarstefnu Ísraelsríkis, Jewish Voice for Peace (JVP). Meðlimir samtakanna og bandamenn þeirra úr öðrum samfélagshópum tóku þátt í mótmælunum. Rabbínar hófu viðburðinn með kertum og bænagjörð. „Þó að Shabbat sé að jafnaði dagur hvíldar, þá er okkur ekki stætt á að hvílast á meðan þjóðarmorð er framið í okkar nafni,“ var haft eftir rabbínanum May Ye í yfirlýsingu samtakanna. „Líf Palestínumanna og Ísraela eru samofin og öryggi næst aðeins með réttlæti, jöfnuði og frelsi fyrir öll,“ sagði rabbíninn.

Frá mótmælunum á aðallestarstöðinni föstudagskvöldið 27. október.

Lögregla sagðist hafa handtekið um 200 mótmælendur í aðgerðinni en fulltrúar samtakanna segja yfir 300 hafa verið handtekin. Á Instagram sögðu samtökin að líklega væri um stærsta viðburð borgaralegrar óhlýðni að ræða, síðustu tvo áratugi í sögu borgarinnar.

Mótmælt í borgum um allan heim

Mótmælin á aðallestarstöðinni í New York borg voru aðeins ein af fjölmörgum mótmælasamkomum sem fram fóru þessa helgi, víða um heim. Í London er talið að allt að hálf milljón manna hafi tekið þátt í útifundi á laugardag. Krafa þeirra var sú sama og í New York: vopnahlé á Gasa.

Al Jazeera greindi frá, meðal annarra miðla.

Tengt efni

Ísland kemur sér undan því að styðja mannúðarvopnahlé á neyðarfundi

500 handtekin er þúsundir gyðinga mótmæltu framferði Ísraels í Washington

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina