Óráðlegt er að gera flugvöll í Hvassahrauni vegna jarðelda og hræringa sem útlit er fyrir að hafi mikil áhrif á tilveru landsmanna næstu árin. Þetta segir Þorvaldur Þórðarson eldfjallafræðingur.

Hraunrennsli ógnar Hvassahraunsflugvelli eins og Keflavíkurflugvelli sem seint yrði samþykktur sem flugvallarstæði í dag, enda á hættusvæði.

Á sama tíma og Þorvaldur lýsir þessari skoðun er beðið skýrslu nefndar um innanlandsflugvöll í Hvassahrauni, sem átti að vera tilbúin fyrir meira en einu ári. Það kom fram hjá innviðaráðherra, Sigurði Inga í vikunni.

Óráðlegt er einnig að mati Þorvaldar líkt og fram hefur komið í Morgunblaðinu að reisa byggð aust­an Elliðaár­vatns.

Líkur eru á að eld­fjalla­kerfi í Bláfjöll­um, Krísu­vík eða Heiðmörk séu að vakni eft­ir lang­an dvala samkvæmt mælingum jarðvísindamanna. Rennsli frá fyrri tíð sýnir að hraun get­ur náð að byggð í Reykja­vík, Kópa­vogi, Hafnar­f­irði og Garðabæ.

Þorvaldur vill að gert verði ítarlegt hættumat.  Vegna jarðhræringanna þurfi að horfa til nýrrar framtíðar varðandi skipu­lag byggðar og þar á meðal flugvalla.

Rögnu­nefnd­in svo­kallaða, sem nefnd er eft­ir Rögnu Árna­dótt­ur for­manni nefnd­ar­inn­ar, hef­ur nú skilað skýrslu sinni og niður­stöðum, en um er að ræða stýri­hóp um sam­eig­in­lega at­hug­un rík­is, Reykja­vík­ur­borg­ar og Icelanda­ir Group á flug­vall­ar­kost­um á höfuðborg­ar­svæðinu.

Rögnunefndin svokallaða komst árið 2015 að því að Hvassa­hraun væri sá flug­vall­ar­kost­ur sem hef­ði mesta þró­un­ar­mögu­leika til framtíðar. Síðan hefur mikið hraun runnið – þó ekki til sjávar.