Ný könnun Maskínu á fylgi stjórnmálaflokka mælir að Sjálfstæðisflokkurinn bætir við sig einu prósentustigi á kostnað Miðflokks og fengi nú 18 prósent ef gengið yrði til kosninga.
Mikil umræða hefur orðið um harðari tón meðal sjálfstæðismanna gagnvart hælisleitendum og flóttafólki.
Athygli vekur ennig að þótt innan úr Samfylkingunni hafi borið á gagnrýni eftir ummæli Kristrúnar Frostadóttur, formanns Samfylkingarinnar um flóttafólk, að óbreytt ástand gangi ekki, verður ekki séð að hennar ummæli rýri fylgi flokksins heldur þvert á móti. Enn eykst fylgi Samfylkingarinnar um 1,5 prósent og mælist flokkurinn nú með 27,2 prósenta fylgi.
Sjálfstæðisflokkurinn er með 18 prósenta fylgi en mældist með 17 prósent í janúar.
Miðflokkurinn er með 11 prósent og tapar prósenti líkt og fyrr segir.
VG er með um sex prósent eins og undanfarinn ársfjórðung.
Sósíalistar ná ekki manni á þing miðað við könnunina en eru ekki fjarri því. Nokkrir flokkar dala um eitt til tvö prósent, þar á meðal Viðreisn og Framsóknarflokkurinn.
Píratar eru á svipuðum slóðum og áður og lítil hreyfing á Flokki fólksins þótt formaðurinn, Inga Sland, hafi mjög haft sig í frammi í umræðu um útlendinga hér á landi.
Innan við þriðji hver landmaður styður ríkisstjórnina samkvæmt könnuninni.
