Ríkisstjórnin búin að missa 17 þingmenn af 38

Ríkisstjórnin myndi ekki fá nema 21 þingmann ef úrslit kosninga yrði eins og niðurstöður nýrrar könnunar Maskínu. Sjálfstæðisflokkurinn og Framsókn myndu tapa sex þingmönnum hvor flokkur en og Vg fimm. Frá kosningum hefur Vg misst frá sér 60% kjósenda sinna, Framsókn 38% og Sjálfstæðisflokkurinn 30%. Samanlagt fylgi þessara flokka var 54,3% í kosningunum 2021 en mælist nú 32,9%, tveir af hverjum fimm kjósendum hafa snúið baki við ríkisstjórnarflokkunum.

Eins og undanfarna mánuði mælist Samfylkingin með mest fylgi. Svona skiptast þingmenn samkvæmt könnuninni (innan sviga breyting frá núverandi þingheimi, eftir flokkaflakk):

Ríkisstjórn:
Sjálfstæðisflokkur: 11 þingmenn (-6)
Framsóknarflokkur: 7 þingmenn (-6)
Vg: 3 þingmenn (-5)
Ríkisstjórn alls: 21 þingmaður (-17)

Hin svokallaða frjálslynda miðja:
Samfylkingin: 19 þingmenn (+13)
Viðreisn: 7 þingmenn (+2)
Píratar: 5 þingmenn (-1)
Hin svokallaða frjálslynda miðja: 31 þingmqðue (+14)

Ný-hægri andstaðan:
Flokkur fólksins: 3 þingmenn (-3)
Miðflokkurinn: 8 þingmenn (+6)
Ný-hægri andstaðan: 11 þingmenn (+3)

Stjórnarandstaða utan þings:
Sósíalistaflokkurinn: enginn þingmaður (+/-0)

Ef við skoðum breytinguna frá kosningum þá er hún þessi:

Þessir bæta við sig:
Samfylkingin: +17,4 prósentur
Miðflokkur: +6,2 prósentur
Viðreisn: +1,9 prósentur

Þessi standa í stað:
Sósíalistar: +0,0 prósentur
Píratar: -0,1 prósentur

Þessir missa fylgi:
Flokkur fólksins: -3,5 prósentur
Framsókn: -6,6 prósentur
Sjálfstæðisflokkur: -7,2 prósentur
Vg: -7,6 prósentur

Myndin er af því þegar Katrín Jakobsdóttir rétti Bjarna Benediktssyni lyklana af stjórnarráðinu.

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina