Stórtjón varð á á lagnakerfi í húsum í Grindavík vegna ótímabærra inngripa yfirvalda eftir því sem fram kom í umræðu á Samstöðinni í vikunni við þrjá íbúa í Grindavík.
Eins og Samstöðin hefur skrifað um telja sumir íbúar að of hart hafi verið gengið fam við rýmingu. Hver og einn íbúi hefði á ögurstundu átt að fá að bregðast við eftir eigin höfði og velja milli rýmingar og ekki. Sjá fyrri frétt hér: https://samstodin.is/2024/05/saka-logreglu-um-ofbeldi-og-vopnaburd-vid-rymingu/
„Þarna er fólk að taka ákvarðanir sem skortir reynslu í lífinu. Ég stórefa að einhver Almannavarnanefnd í Reykjavík geri sér grein fyrir nútíma fiskvinnslu,“ segir Magnús Gunnarsson trillukarl. „Þarna var mönnum haldið utan við stóran rekstur með ofbeldi.“
Fram kom í þættinum á Samstöðinni að aðgerðir yfirvalda væru þeim háborinnar skammar og mætti rekja margvíslegt tjón til rangrar ákvarðanatöku. Fyrirskipun um rýmingu hafi verið galin. Grindvíkingarnir vilja afsökunarbveiðni frá Víði og Almannavörnum vegna mistaka og ofbeldis sem íbúar hafi þurft að þola við rýmingu. Þá hafi sérsveitarmenn borið vopn við rýmingu sem sé alvarlegt mál.
Grindvíkingar segja tvískinnung og fúsk hafa einkennt viðbrögð. Lokunarpóstar í bænum kosti ríkið hundruð milljóna í rekstri á mannfrekum vöktum. En svo mikill amatörbragur sé á gæslunni að varðmenn hleypi fólki í gegn þótt íbúar gefi upp kennitöluna 321324-0000. Íbúi hafi prófað að gefa upp slíka grínkennitölu oftar er einu sinni og verið hleypt í gegnán athugasemda.
Einnig kom fram að sumir verktakar sjúgi ríkið og maki krókinn með botnlausri yfirvinnu.
Sjá nánar hér: https://www.youtube.com/live/W5QhKsEoP2I?si=0wUoSwNyXFaoZLp0
