Flest horfið í kerfinu nema neyðarþjónusta

Leitin að heilbrigðisþjónustu fyrir þá sem ekki eru í lífshættu hefur marrgoft orðið Íslendingum tilefni skoðanaskipta, ekki síst á samfélagsmiðlum.

Eva Hauksdóttir lögmaður upplýsir á facebook að samkvæmt Heilsuveru sé enginn tími laus hjá heilsugæslunni á þessu ári.

„Ekki heldur hjá þeim sérgreinalæknum sem í mínu tilviki kæmu til álita,“ segir Eva.

Hún segist hafa haldið að læknavaktinni væri ætlað að vera nokkurskonar neyðarþjónusta fyrir þá sem komast ekki að á skrifstofutíma og þá til að sinna tilvikum sem eru ekki nógu alvarleg til að eiga heima á bráðamóttöku.

„Telst það bara viðunandi á Íslandi að notendur heilbrigðisþjónustu panti ekki tíma heldur verji helginni í halarófu sem nær út á götu?“ Spyr Eva og vísar til þess ástands sem iðulega skapast á bráðamóttöku.

„Eða, ef það er rétt hjá mér að læknavaktin sé hugsuð fyrir undantekningar, er þá virkilega engin heilbrigðisþjónusta í boði á Íslandi nema krabbameinsleit og neyðarþjónusta?“

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina