Dagur segir rugl að ýja að tvöföldum launum

„Ef í ljós kemur að Dagur hefur fengið full borgarstjóralaun greidd, ofan á laun formanns borgarráðs, lít ég það mjög alvarlegum augum. Ekki síst þar sem málið kom aldrei til kynningar í borgarráði og var laumað gegnum borgarstjórn í gagnapakka sem ekki var sérstaklega til umræðu né kynningar.“

Þessi ummæli hefur Mogginn í dag eftir Hildi Björnsdóttur, oddvita sjálfstæðismanna og ýjar með því að spillingu innan ráðhússins.

Í frétt blaðsins kemur fram að skiptin á borgarstjórum hafi kostað Reykjavíkurborg 25 milljónir króna. Sá kostnaður er að hluta óupplýstur samkvæmt blaðinu. Í frétt Moggans segir að auka hafi þurft við fjárhagsáætlun Reykjavíkurborgar um 25 milljónir króna vegna borgarstjóraskipta í upphafi ársins. Það var gert í viðauka við fjárhagsáætlun um breytingar á „launa- og starfsmannakostnaði“, sem lagður var fram í borgarstjórn og samþykktur á þriðjudag.

Sjálfstæðismenn í borgarstjórn hafa óskað skýringa.

Þorsteinn Gunnarsson borgarritari segir borgastjóraskiptin ástæðuna eða „uppgjör í samræmi við ráðningarbréf fyrrverandi borgarstjóra og ráðningarsamning fv. aðstoðarmanns borgarstjóra“.

Aldrei var gerður ráðningarsamningur við Dag í stóli borgarstjóra.

Samstöðin sendi Degi fyrirspurn hvort rétt væri að hann hefði þegið tvöföld laun?

„Það er auðvitað rugl,“ svarar Dagur. „Á meðan ég nýt biðlauna þá vinn ég að segja má frítt eða launalaust sem formaður borgarráðs. Biðlaunin eru þannig í raun mismunurinn á launum formanns borgarráðs og borgarstjóra.“

Enn er þó ósvarað að nokkru hvað skýrir milljónirnar 25.

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina