Hópur fólks innan Framsóknarflokksins sér ekki fram á frið í flokknum eða möguleika til vaxtar undir forystu Lilju Daggar Alfreðsdóttur eða Ingibjargar Isaksen.

Þær tvær, varaformaður og þingflokksformaður, hafa boðað formannsframboð. Hreyfingin sem um ræðir vill að Siv Friðleifsdóttir, fyrrum þingmaður og ráðherra, gefi kost á sér í formannsslag við þær stöllur.

Þetta segir innvígður heimildarmaður í röðum Framsóknarflokksins.

Aðrar heimildir staðhæfa að nöfn Einars Sveinbjörnssonar veðurfræðings og Árna Magnússonar hafi einnig verið nefnd.

Heimildir Samstöðvarinnar innan flokksins segja bullandi óánægju í grasrót flokksins með stöðuna, jafnt á mölinni sem úti á landi.

Framsóknarflokkurinn hefur fengið mjög vonda mælingu í skoðanakönnunum undanfarið. Þessi elsti flokkur landsins sem hefur verið stórveldi áratugum saman og kallaður annan valdaflokkanna tveggja, er sem stendur afar fáliðaður á Alþingi með aðeins fimm þingmenn ndir stjórn Sigurðar Inga Jóhannssonar.

Sigurður Ingi hefur gefið út að hann hætti formennsku á næsta flokksþingi sem nálgast óðfluga, 14.- 15. febrúar.

Ekki náðist í Siv við vinnslu fréttarinnar.