Heimskulegar ákvarðanir hafa veikt fyrirtækin

Þetta er úrvalsvísitalan síðustu fimm árin. Hún hefur lækkað um 23,1% að nafnvirði, 43,7% að teknu tilliti til verðbólgu. Ég held að lífeyrissjóðirnir, sem eiga meira en helminginn af hlutafénu í þessum félögum, ættu að endurskoða hvernig þessum fyrirtækjum er stýrt, hætta að vera þögull meðeigandi og velja sjálfir stjórnendur sem geta gert betur. Besta leiðin til þess væri að færa starfsfólki þessara fyrirtækja atkvæðarétt sjóðanna í fyrirtækjunum, það er líklega fólkið sem þekkir fyrirtækin best og veit best hvernig heimskulegar ákvarðanir hafa veikt fyrirtæki.

Í raun er þessi lækkun meiri því stjórnir þeirra hafa látið fyrirtækin kaupa ógrynni af hlutabréfum í sjálfum sér í von um að halda uppi verðinu. Slík ráðstöfun veikir fyrirtæki til lengri tíma. Það er fráleitt að verja fé fyrirtækjanna í kaup á eigin hlutabréfum í stað þess að fjárfesta í því sem styrkir fyrirtækin og gerir þau betur í stakk búin að mæta áskorunum framtíðarinnar. Það er því mikilvægt að lífeyrissjóðirnir grópi inn í, því óbreytt stefna setur atvinnu eigenda sjóðanna í hættu.

–gse

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina