Hefur hækkað um 82 milljarða umfram hækkun norrænna banka

Það er sama hvernig á það er litið, útboðsgengi Íslandsbanka sumarið 2021 var með gríðarlegum afslætti. Þetta sést þegar gengið er borið saman við íslensku kauphöllina en ekki síður þegar verðþróun Íslandsbanka er skoðuð í samhengi við banka á Norðurlöndum. Hlutabréf stærstu banka á Norðurlöndum hefur hækkað um 7% frá útboðsdeginum en hlutabréf í Íslandsbanka um 58%.

Samanlagt hefur gengi sex stærstu banka Norðurlandanna hækkað um 7% frá 15. júní 2021. Þetta eru Nordea bank, Danske bank, Svenska Handelsbanken, SEB, DNB og Swedbank. Hinn sænski Nordea hafur hækkað mest, um 13,8%, en hinn norski DNB er sá eini sem hefur lækkað, um -4,5%. Sjöundi stærsti banki Norðurlandanna er samvinnufélag og er ekki skráð í kauphöll, OP í Finnlandi.

Á sama tíma hefur gengi hlutabréfa Íslandsbanka hækkað um 58,7% eða um 92,8 milljarða króna. Ef við miðum við hina sex stóru á Norðurlöndum hefur Íslandsbanki hækkað um 81,8 milljarð króna umfram norrænu bankana. Af því eru 28,6 milljarðar ávinningur til þeirra sem keyptu í fyrra útboðinu.

Þetta er í takt við annan samanburð, augljóst er að Bjarni Benediktsson fjármálaráðherra og Bankasýslan seldu bankann með stórkostlegum afslætti. Munurinn er enn meiri ef við miðum við íslensku bankana, Arion og Kviku. Þeir hafa samanlagt aðeins hækkað um 1,8% frá 15. júní 2021.

Þetta er hins vegar erfiður samanburður þar sem Kvika er mikill braskbanki og verð hans sveiflast eftir gengið félaga sem hann á hlut í, auk þess sem hann sameinaðist TM tryggingafélagi á tímabilinu. En í samanburði við verðþróun Arion-banka hefur Íslandsbanki hækkað um 77,9 milljarða króna umfram Arion.

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina