Maður lifandi
Maður lifandi er í umsjá feðganna Starkaðar og Björns Þorlákssonar. Varpað verður ljósi á sjónarmið og hugmyndir ungs fólks í dægur- og þjóðmálaumræðu.

Þættir

Maður lifandi: Foreldraskyldur og fréttamennskaarrow_forward
Foreldraskyldur og fréttamennska
Margrét Helga Erlingsdóttir, ein af yngri fréttakonum landsins, verður gestur vikunnar í Maður lifandi þessa vikuna. Hún lýsir réttlætisbaráttu og umbrotum ungs fólks þegar barneignir, menntun, starfserill og húsnæðismál koma saman í einum punkti. Við kynnumst nýrri hlið á fréttakonunni.

Maður lifandi: Margrét Tryggvadóttirarrow_forward
Margrét Tryggvadóttir rithöfundur og fyrrum þingkona verður gestur þáttarins Maður lifandi þessa vikuna. Hún ræðir ýmis brýn samfélagsmál sem varða ungt fólk og kúnstina að skrifa.

Maður lifandi: Draumar og veruleikiarrow_forward
Hvernig er að vera ung manneskja, dekkri á litinn en gengur og gerist hér á landi á tímum vaxandi rasisma? Sanna Magdalena Mörtudóttir borgarfulltrúi svarar þeirri spurningu. Þá kemur stórsöngvarinn Kristján Jóhannsson í þáttinn og lýsir uppvextinum á Akureyri og ævintýrinu að láta drauma rætast

Maður lifandi – Líðan landsmanna í eldsumbrotumarrow_forward
Þorvaldur Þórðarson eldfjallafræðingur er gestur Maður lifandi þessa vikuna. Hann ræðir við feðgana Starkað og Björn um náttúruhamfarir, líðan barna, áhyggjur fólks og örugga búsetu. Maður lifandi hverfist um hugðarefni ungs fólks og er sýndur kl. 16 á fimmtudögum.

Maður lifandi: Bubbi og unga fólkiðarrow_forward
Sérlega góður gestur sækir Starkað og Björn heim á Samstöðinni þessa vikuna, sjálfur Bubbi Morthens. Rætt verður um hlutskipti ungs fólks í dag miðað við tímana sem Bubbi spratt úr; söguna, listina, draumana og margt fleira.

Maður lifandi – Mun ungt fólk flýja Íslandarrow_forward
Mun ungt fólk flýja Ísland? Atgervisflótti (brain drain) ógnar íslensku samfélagi vegna vanda við húsnæðiskaup hér á landi og fleira. Ungir Íslendingar sem standa á krossgötum hvað menntun og búsetu varðar horfa á heiminn allan sem búsetukost, ólíkt því sem kannski var þegar Íslendingar voru fangar í eigin landi. Þetta kemur fram í þættinum Maður lifandi sem sýndur verður klukkan 16. Starkaður og Björn ræða í þættinum mörg brennandi álitaefni sem varða framtíð ungs fólks en einnig verður slegið á léttari strengi.

Maður lifandi – Ungt fólk og áfengisneyslaarrow_forward
Í maður lifandi þessa vikuna ræða Starkaður og Björn ungt fólk og áfengi. Gunnar Hersveinn heimspekingur og höfundur nýrrar bókar kemur í þáttinn. Þá verður umræða um ýmis önnur mál er varða ungt fólk.

Maður lifandi – Fréttamennska þá og núarrow_forward
Í þætti vikunnar af Maður lifandi verður ítarlegt spjall við Kára Jónasson, fyrrum fréttastjóra RÚV. Fréttamennska á Íslandi er sögð í krísu. Við fjöllum um það. Þá ber ungt fólk á góma þá og nú sem og hagsmuni þess og hugðarefni.

Maður lifandi – Ungt fólk og stjórnmálarrow_forward
Karl Héðinn formaður ungra sósíalista og Hanna Katrín Friðriksson þingflokksformaður Viðreisnar ræða aukinn áhuga ungs fólks á stjórnmálaþátttöku. Þá fer fram umræða um svefntíma unglinga, framhaldsnám þar sem hugtakið „verslósnobb“ kemur við sögu sem og aukinn áhugi ungra Íslendinga á iðnnámi.

Maður lifandi – Ökupróf og EMarrow_forward
Bílpróf og álitaefni tengd ökunámi verða til umræðu í Maður lifandi þessa vikuna. Starkaður og Björn hita líka hressilega upp fyrir EM í handbolta þar sem Íslandi er spáð verðlaunum.