Aldrei fleiri starfandi innflytjendur

Það hafa aldrei verið fleiri starfandi innflytjendur á Íslandi eins og í september síðastliðnum. Þá fjölgaði innflytjendum enn á sama tíma og innfæddum fækkaði, eins og vanalegt er á haustin þegar skólar byrja. Starfandi innflytjendur voru í september 46.700, sem gera rúmlega 22% allra á vinnumarkaði.

Eins og vanalegt er á haustin fækkaði starfandi milli ágúst og september. Það er vanaleg árstíðasveifla, það dregur í umfangi ferðaþjónustu og ýmsum framkvæmdum og skólafólk hverfur aftur til náms. Frá september í fyrra hefur starfandi hins vegar fjölgað um rúmlega 10.900. Fjölgunin er mest meðal innflytjendanna. Þeir koma með rúmlega 7.500 manns inn á vinnumarkaðinn en innfæddir með tæplega 3.400.

Hlutfall innflytjenda á vinnumarkaði hefur vaxið hratt á eftir cóvid, eins og sjá má á þessu grafi:

Þarna sést að árið 2005 var hlutfall innflytjenda 6,1%. Hlutfallið óx hratt í bankabólunni með auknum umsvifum. Hluti kom til starfa í byggingaiðnaði, en mest áhrif voru í einhverju sem mætti kalla hliðrun starfa; innfæddir færðu sig úr láglaunastörfum í störf sem voru betur borguð og innflytjendur leystu þá af hólmi. Á hábólunni fyrir hrun var hlutfall innflytjenda orðið 13,6%.

Eftir Hrun hurfu margir innflytjendur af landinu, eins og reyndar innfæddir líka, en hlutfallslega fleiri. Hlutfall innflytjenda féll niður í 8,6% um sumarið 2010.

Stuttu síðar skall ferðamannasprengingin á og hlutfall innflytjenda á vinnumarkaði óx aftur hratt, náði hápunkti haustið 2019 þegar hlutfall þeirra var 20,2%.

Þá kom cóvid sem slökkti á ferðaþjónustunni þar sem hlutfall innflytjenda var hæðst. Þá seig hlutfall innflytjenda á vinnumarkaði á 16,5% í ársbyrjun 2021.

Þegar ferðatakmörkunum og öðrum sóttvarnaraðgerðum linnti tók hagkerfið við sér og hlutfall innflytjenda á vinnumarkaði óx aftur hratt, náði hápunkti í september síðastliðnum þegar það var 22,1%. Og margt bendir til að það haldi áfram að aukast.

Þetta eru án vafa mestu samfélagsbreyting síðari ára. Það er ekki hægt að hugsa sér hver staðan á Íslandi væri ef hingað hefði ekki flust allt þetta fólk. Ef hlutfall innflytjenda á vinnumarkaði væri það sama nú og var 2055 væru hér 33.750 færri manns á vinnumarkaði. Það væri svipað og slökkt væri á ferðaþjónustunni og byggingariðnaðinum. Fjöldinn er viðlíka og helmingur allra starfandi utan höfuðborgarsvæðisins.

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina arrow_forward

Rauða borðið
í beinni
Rauða borðið, 24. maí