Javnaðarflokkurinn og Framsókn bæta við sig

Eins og skoðanakannanir bentu til féll ríkisstjórnin í kosningunum í Færeyjum, enda efnt til kosninga eftir að hún sprakk. Þó var það bara Fólkaflokkurinn sem tapaði þingsætum, Sambandsflokkurinn og Miðflokkurinn héldu sínum mönnum. Sjálvstýri féll af þingi.

Sigurvegararnir eru annars vegar Javnaðarflokkurinn sem er nú stærsti flokkurinn með níu þingmenn. Og hins vegar Framsókn sem bætir við sig einum manni.

Eftir kosningarnar eru Løgtingið svona skipað (innan sviga breytingar frá kosningunum 2019):

Javnaðarflokkurinn: 26,6% – 9 þingmenn (+2)
Sambandsflokkurinn: 20,0% – 7 þingmenn (+/-0)
Fólkaflokkurinn: 18,9% – 6 þingmenn (-2)
Tjóðveldi: 17,7% – 6 þingmenn (+/-0)
Framsókn: 7,5% – 3 þingmenn (+1)
Miðflokkurinn: 6,6% – 2 þingmenn (+/-0)
Sjálvstýri: 2,7% – enginn þingmaður (-1)

Það ery 33 þingmenn á Løgtinginu og 17 þarf til að ná meirihluta. Javnaðarflokkurinn og Tjóðveldi eru með 15 samanlagt. Líklegast er að þessir tveir myndi stjórn með Framsókn, að sögn Dávur í Dali sem ræddi færeysk stjórnmál við Rauða borðið í gærkvöldi.

Sjá má og heyra viðtalið í spilaranum hér að ofan.

Samstöðin er umræðu- og fréttavettvangur sem studdur er af almenningi í gegnum Alþýðufélagið. Ef þér líkar efni Samstöðvarinnar getur þú eflt hana með því að gerast einskonar áskrifandi sem félagi í Alþýðufélaginu. Skrá mig arrow_forward

Rauða borðið
í beinni
Rauða borðið, 24. maí