Píratar rufu samstöðuna með meirihlutanum í borginni í kvöld og kusu með tillögu Sósíalistaflokksins um að fresta samkomulagi um uppsetningu eftirlitsmyndavéla þangað til búið sé að skoða betur rök fyrir fjölgun þeirra, áhrif á mannréttindi, persónuvernd og annarra sjónarmiða.

Kristinn Jón Ólafsson og Elísabet Guðrúnar Jónsdóttir kusu með tillögu fulltrúa Sósíalistaflokksins þeim Sönnu Magdalenu Mörtudóttur og Trausta Breiðfjörð Magnússyni en Magnús Davíð Norðdal sat hjá.

Mun þetta vera í fyrsta skipti sem núverandi meirihluti er ekki samstiga í kosningu í málefnum borgarinnar.

Píratar gáfu sig þó á endanum með loka tillögu meirihlutans eftir að ákvæðum um gildistöku og gildistíma var breytt. Breytingin tók til þess að í stað fimm ára samnings getur borgin sagt samningnum upp að hverju ári liðnu en hann endurnýist sjálfkrafa sé það ekki gert. Þrátt fyrir þá breytingu er er enn ekki búið að tryggja áhrif á mannréttindi, persónuvernd né aðra þætti sem telja mætti að skipti Pírata máli.

Kostnaður við uppsetningu öryggismyndavélanna er enn á huldu.

Að baki samningum standa auk Reykjavíkurborgar; Ríkislögreglustjóri, Lögreglan á höfuðborgarsvæðinu og Neyðarlínan Ohf.