Stefnir í eilítið skárri kosningaþátttöku í VR

Kosningunum um nýja forystu VR lýkur kl. 12:00 á hádegi í dag. Í morgun höfðu 11.071 félagar kosið sem er 28% kosningaþátttaka. Það stefnir því í eilítið betri þátttöku en fyrir tveimur árum þegar kosningaþátttakan var 28,8%.

Fyrir tveimur árum var kosið til formanns. Ragnar Þór Ingólfsson fékk þá 63% atkvæða en Helga Guðrún Jónasdóttir 34%. Þá greiddu 10.346 atkvæði, 28,8% af tæplega 36 þúsund manns á kjörskrá. Síðan hefur félögum í VR fjölgað um meira en 3.500 manns.

Þótt það stefni í eilítið meiri kosningaþátttöku nú þá er ekki að merkja miklar breytingar, sem kynnu að vísa til þess að frambjóðendum hefði tekist að fylkja sínu liði á kjörstað. Atkvæðamagn Ragnars Þórs frá 2021 myndi því duga honum til sigurs í dag. Svo Elva Hrönn Hjartardóttir sigri í þessum kosningum þarf því góður hluti af kjósendum Ragnars Þórs að hafa snúið við honum baki.

Úrslit munu liggja fyrir fljótlega eftir klukkan eitt. Fólk getur kosið til kl. 12. Þau sem hafa kosið þegar geta skipt um skoðun og kosið að nýju. Síðasta atkvæðagreiðsla gildir. Félagar í VR geta kosið hér: Kosningar VR

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina