Halldóra Hafsteinsdóttir segir lögregluna ekki taka hatursorðræðu gegn trans fólki alvarlega en þær Arna Magnea Danks voru gestir þáttarins Sósíalískir femínistar í gærkvöld þar sem þær ræddu bakslagið í trans baráttunni, sögufölsunina sem átt hefur sér stað í gegnum tíðina með þvi að minnast ekki á trans og hinsegin fólk og ákveðna hornsteina í þeirra sögu sem og hvernig hatrið og afmennskunin á trans fólki fær að dafna og grassera ef fólk lætur baráttuna óáreitta.

Síðast í gær var framin gróf líkamsárás á manneskju á heimleið af ráðstefnu sem Samtökin ’78 stóðu fyrir í samvinnu við forsætisráðuneytið og Norrænu ráðherranefndina. Lögreglan er enn að meta hvort árásin hafi verið hatursglæpur.

Í þættinum kafaði Arna Magnea ofan í sögu transfólks og hvernig nasistar merktu trans- og hinsegin fólk með bleikum þríhyrning innan fangabúða sinna en árin á undan mátti sjá ólguna og bakslagið sem þá var orðin ljós í baráttu hinsegin fólks í Þýskalandi. Berlín var mekka hinsegin og transfólks í kringum 1930 sem endaði í útrýmingarbúðum eða í breskum fangelsum eftir stríð. Þegar bandamenn leystu út gyðinga, rómafólk og aðra þá sem enn héldu lífi í fangabúðunum var enn ólöglegt að vera samkynhneygður í Bretlandi og endaði fólk líf sitt stundum í Bresku fangelsi.

Við verðum að skoða söguna og sjá þau líkindi sem eiga sér stað í dag þegar uppgangur fasisma er orðinn augljós víða í Evrópu og hér á landi.

Arna Magnea segir réttindi transkvenna haldast fullkomlega í hendur við réttindi allra kvenna og hún kallar jafnvel eftir nýjum kvennalista til að berjast fyrir húmanískum gildum.

Halldóra segir að eftir því isem meira hatur fær að sjást óhindrað á samfélagsmiðlum, því fleiri taki undir það. Fólk á að standa upp og standa með trans og kynsegin fólki. “Það er erfitt að standa einn þar sem drullan hrúgast stundum yfir mann”