Hillary Rodham Clinton, stríðsglæpamaður og fyrrverandi utanríkisráðherra Bandaríkjanna, mun næstkomandi sunnudag halda erindi í Hörpunni. Það eru rithöfundarnir Ragnar Jónasson og Yrsa Sigurðardóttir sem bjóða þessum alræmda talsmanni hernaðarstefnu Bandaríkjanna og aðskilnaðarstefnu Ísrael í heimsókn. Enginn er talinn bera meiri ábyrgð á hörmungunum í Líbíu og Clinton. Þess má geta að Katrín Jakobsdóttir forsætisráðherra skrifaði bók með Ragnari nýverið og hefur hún verið dugleg að kynna bókina erlendis samhliða opinberum erindagjörðum.
Fyrir einungis örfáum dögum barðist Clinton harðlega gegn vopnahlé í Palestínu og má myndband af því sjá hér fyrir neðan. Á Íslandi er þetta einstaklega óvinsæl skoðun og hafa skoðanakannanir sýnt það svart á hvítu. Það er því kannski ekki furða að Ragnar og Yrsa sitja nú sveitt við að ritskoða alla samfélagsmiðla viðburðarins. Heimildin greinir frá því.
Búið er að fjarlægja allan texta þar sem Clinton er nefnd á nafn á heimasíðu Hörpu. Sömu sögu er að segja um auglýsingar á viðburðinum, þær eru allar horfnar. Heimildin greinir frá því að viðburðurinn hafi verið gagnrýndur harðlega á samfélagsmiðlum. Öll slík ummæli hafa nú verið fjarlægð. Haft er eftir einum skipuleggjenda hátíðarinnar að gagnrýni á Clinton hafi verið fjarlægð til að „gæta orðspors hátíðarinnar“.
