Sævar Daníel Kolandavelu tónlistarmaður slasaðist illa fyrir sjö árum síðan en áverkarnir voru meiri en hann hélt í fyrstu. Líkt og Samstöðin hefur ítrekað greint frá þá hefur heilbrigðiskerfið neitað að sinna honum sem skyldi. Hann hefur því ekki séð aðra lausn færa en að leita út fyrir landsteinanna að læknum sem eru tilbúnir að gera eitthvað fyrir hann.
Nú er hann kominn til Tyrklands þar sem hryggjarskurðlæknir hefur samþykkt að gera á honum þrjár aðgerðir á næstu vikum og mánuðum. Því hafa aðstandendur hans komið á stað söfnun því eins og segir í færslu á Facebook þess eðlis, þá eru „erfiðir og kostnaðarsamir tímar framundan hjá Sævari. Hann er sárþjáður og í raun í lífshættu þar til þetta verkefni er yfirstaðið.“
Hér fyrir neðan má lesa það ákall um söfnun í heild sinni.
Sævar er 38 ára faðir, rithöfundur, tónlistarmaður og réttlætissinni.
Fyrir 7 árum slasaðist hann á hrygg og þar sem hann hefur ekki fengið tilhlýðilega meðferð hafa meiðslin aðeins versnað umtalsvert á þessum tíma. Sævar hefur ítrekað rekist á veggi innan íslenska heilbrigðiskerfisins og er nú svo komið að hann hefur neyðst til að sækja sér hjálp erlendis.
Í baráttu sinni fyrir því að ná aftur heilsu, hefur Sævar hjálpað mörgum öðrum í svipuðum sporum og rekur hann m.a. samfélagsmiðilinn „Rétturinn til að lifa“ á Facebook, þar sem 3.000 meðborgarar deila reynslu sinni.
Sævar er nú staddur í Tyrklandi, en virtur hryggjarskurðlæknir þar í landi hefur samþykkt að gera á honum þrjár aðgerðir á næstu vikum og mánuðum.
Það eru því erfiðir og kostnaðarsamir tímar framundan hjá Sævari. Hann er sárþjáður og í raun í lífshættu þar til þetta verkefni er yfirstaðið.
Sævar þarf okkar hjálp.
Til að fjármagna erum við að selja:
Hamp te
1 pk 5000 kr
Hugleiðslumölur
1 stk 8000 kr
Pantanir í síma 662-6867
Styrktarreikningur fyrir frjáls framlög og pantanir:
Kennitala: 150573-4409
Reikningsnúmer: 0101 05 179148
Ef ekki er hægt að styrkja hjálpar það mikið ef þið deilið áfram með vinum og fjölskyldu.
