Fleiri vilja ganga í ESB og NATÓ í skugga stríðs í Evrópu

Í skugga stríðs í Evrópu vilja fleiri ganga í alþjóðleg bandalög eins og ESB og NATÓ

Í skugga innrásarinnar í Úkraínu hafa fleiri lönd sóst eftir aðild að Atlantshafsbandalaginu NATÓ en einnig virðist aukinn fjöldi Íslendinga vilja ganga í Evrópusambandið ESB.

Meirihluti þeirra sem tóku afstöðu í nýrri könnun Maskínu eða 40,8% vilja ganga í sambandið þó 66% svarenda eldri könnunar vilja halda þjóðaratkvæðagreiðslu um aðildina.

Maskína framkvæmdi könnunina fyrir Evrópuhreyfinguna nú í febrúar en þar kemur fram að 40,8% svarenda séu hlynntir því að Ísland gangi í Evrópusambandið en 35,9% andvígir því.

Stuðningur við Evrópusambandið hefur vaxið jafnt og þétt undanfarið samkvæmt Jóni Steindór Valdimarssyni formanni Evrópuhreyfingarinnar en hann segir á Vísi að stuðningurinn við aðild sé í fyrsta skipti meiri en andstaðan frá því að mælingar Maskínu hófust árið 2011. Þá segir hann við hafa lært mikið af stríðinu í Úkraínu og áhrifum BREXIT sem reynst hefur bretum þungt.

Einnig telur hann sveiflur í gengi krónunnar, himinháir vextir og verðbólga vera áhrifaþátt. Hann segir aukinn stuðning við ESB aðild ekki jafn flokksbundinn og áður.

Í desember gerði Maskína aðra könnun þar sem spurt var um afstöðu fólks gagnvart því að halda þjóðaratkvæðagreiðslu um aðildarviðræður við Evrópusambandið. Þá var tæpur 48% eða tæpur helmingur hlynntur því að farið yrði í atkvæðagreiðslu. Og ef aðeins eru teknir saman svarendur voru 66% hlynntir atkvæðagreiðslu.

Þess má geta að úrtak svarenda í desember var helmingi stærra en úrtakið í nýjustu könnuninni en gild svör nú voru aðeins 915 talsins.

Samfylkingin sem ávallt hefur haft það á stefnuskrá sinni síðasta áratuginn og lengur að sækja um aðild að ESB mælist í dag stærstur stjórnmálaflokka hér á landi en þó hefur dregið úr áherslum hans á umsókn að aðild.

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina