Stefán Ólafsson, prófessor emiritus í félagsfræði, segir í pistli sem hann birtir á Facebook að íslensk fyrirtæki geti auðveldlega borið aukinn launakostnað. Hann segir að Ísland sé fyrir neðan meðallag í raunvirði launakostnaðar. Á dögunum benti hann á að það sé mýta að laun á Íslandi séu óvenju há.
Hér fyrir neðan má lesa pistil Stefáns.
Um daginn birti ég hér mynd af árlegum heildarlaunakostnaði fyrirtækja í Evrópulöndum, á raunvirði (í kaupmáttarjöfnuðum Evrum). Í dag birti ég samsvarandi tölur en nú er það launakostnaður „á hverja vinnustund“, sem er markvissari mæling. Það á ekki síst við um Íslendinga sem vinna lengri vinnuviku en flestar aðrar Evrópuþjóðir.
Sjá einnig: Lygi að laun séu með hæsta móti á Íslandi
Ég sýni tölurnar með og án leiðréttingar vegna mismunandi verðlags. Miðað er við fullvinnandi launafólk og samanlögð laun og launatengd gjöld. Súlurnar fyrir „raunvirði“ (með kaupmáttarjöfnun) eru tölurnar sem gilda í samanburðinum – en talsmenn atvinnurekenda (SA) vilja frekar miða við óleiðréttu tölurnar eða bara allt aðrar tölur sem mæla eitthvað annað en staðlaðan launakostnað. Tölurnar eru frá Eurostat (sjá hér)
Ísland er fyrir neðan meðallag í raunvirði launakostnaðar! Íslensk fyrirtæki eiga því auðveldlega að geta borið aukinn launakostnað.
