Nefnd sérfræðinga sem skipuð var af borgaryfirvöldum í Berlín hefur komist að þeirri niðurstöðu að það sé fullkomlega löglegt fyrir ríkið að taka yfir húsnæði, sem er í höndum einkaaðila, í þeim tilgangi að leysa húsnæðisvandann þar í borg. Nefndin var skipuð vegna niðurstaðna kosninga árið 2021, en þar var spurt hvort almenningur væri sammála slíkri aðgerð, samhliða almennu kosningunum þar í landi.

59,1% greiddu atkvæði með því að ríkið ætti að taka yfir – eða þjóðvæða með öðrum orðum – hús og íbúðir úr höndum einkaaðila sem eiga yfir 3000. Hér er ekki um kaup ríkisins á eignunum að ræða heldur eignaupptöku.

Nefndin var skipuð í þeim tilgangi að komast að því hvort um löglega aðgerð var að ræða og skilaði hún lokaskýrslu sinni í síðasta mánuði. Hér er um fullkomlega löglega aðgerð að ræða.

Samtök baráttufólks fyrir réttindum í húsnæðismálum í Þýskalandi þrýsta því nú á ríkisstjórnina að innleiða þessa aðgerð. Hún myndi þá beinast gegn allra stærstu eignarhaldsfélögunum þar í landi, fyrst og fremst Deutsche Wohnen & Co, ásamt Vonovia.

Berlín, eins og margar aðrar borgir heims, glímir við alvarlegan húsnæðisvanda vegna fjármálabrasks einkaaðila sem ýtt hefur verði uppúr öllu valdi og gert það ómögulegt fyrir venjulegt fólk að eiga efni á húsnæði.