Ben Wallace, varnarmálaráðherra Bretlands og einn af þeim sem nefndur hefur verið sem arftaki Jens Stoltenberg sem framkvæmdastjóri Nató, sendi Úkraínustjórn tóninn þegar hann ræddi við blaðamenn eftir leiðtogafund Nató. Wallace sagði skorta á þakklæti frá Úkraínustjórn. Ráðamenn þar virtust ekki gera sér grein fyrir að þeir væru að biðja önnur lönd að færa þeim sínar vopnabirgðir, veikja eigin varnir.

Wallace sagðist viðurkenna að þetta væri göfugt stríð, að Úkraínumenn væru ekki aðeins að verja eigið land heldur líka frelsi annarra. En lagði áherslu á að Úkraínumenn þyrfti að sannfæra stjórnmálafólk í öðrum löndum um stuðningur við Úkraínu væri þess virði og að stjórnmálafólk í Nató-löndunum fengi eitthvað út úr stuðningnum. Það er bara raunveruleikinn, sagði Ben Wallace.

Hann rifjaði upp þegar hann sá óskalista Úkraínumanna yfir vopn í fyrra. Þá hafði hann sagt að Bretland væri ekki Amazon.

Þessi ummæli Wallace voru borin undir Rishi Sunak forsætisráðherra Breta, sem sagði að Selenskí forseti og aðrir ráðamenn í Úkraínu hefðu margsinnis sýnt þakklæti sitt.

Myndin er af Ben Wallace í stríðsleik.