Varaþingmaður Viðreisnar hljóp á sig og kvartaði undan ESB

Óhætt er að segja að enginn flokkur á Íslandi sé í dag eins hrifinn af Evrópusambandinu og Viðreisn. Það er því óneitanlega kaldhæðnislegt þegar aðstoðarmaður þingflokks Viðreisnar kvartar sáran undan innleiðingu reglugerðar ESB og kallar forræðishyggju.

Það gerði þó Dagbjartur Gunnar Lúðvíksson, sem einnig er varaþingmaður sama flokks, í gær á Twitter. Þar deilir hann frétt um að sala mentólsígaretta verði einungis leyfð í fjögur ár í viðbót og skrifar: „Ég vann í sjoppu. Börn reykja ekki mentólsígarettur, fullorðnar konur reykja mentólsígarettur. Hættið þessari forræðishyggju!“

Vafalaust eru margir sammála honum enda hefur hann nokkuð til síns máls, þeir sem þekkja til barna og reykingavenja þeirra vita að þau reykja sjaldnast Salem. Það gera hins vegar konur á besta aldri.

En í athugasemdum við tístið þá er honum bent á að þessa bölvuðu forræðishyggju má rekja til ESB. Þessar reglur séu beinlýnis afleiðing af innleiðingu reglugerðar ESB. Annar pólitískur starfsmaður, Kári Gautason, aðstoðarmaður Svandísar Svavarsdóttur matvælaráðherra, hjólar í Dagbjart og skrifar: „Kvartanir berist til Ursula.von.der.leyen@hættuþessuröfli.eu“

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina