Sex síðustu mörk fyrri hálfleiksins gegn Austurríki voru öll íslensk og munaði um minna. Með Viktor Gísla sér í ógnarham að baki átti landslið drengjanna okkar í handbolta á EM frábæran fyrri hálfleik. Vörnin var gríðargóð en markvörður Austurríkis varði eins og berserkur milli þess sem Sigvaldi átti stórleik í horninu.
Þegar síðari hálfleikur hófst var sex marka munur, Íslandi í hag. Leiðin að sæti á Ólympíuleikunum í sumar lá í gegnum fimm marka sigur í dag eða meira. Sjaldan eða aldrei hefur spenna verið meðal þjóðarinnar í einu lékhléi sem virtist engan enda ætla að taka. En loks þegar brokkgengt dómarapar flautaði aftur til leiks varð áhorfendum ljóst að drengirnir hans Snorra Steins Guðjónssonar komu ekki þeir sömu til leiks í síðari hlutanum. Þrettán mínútur liðu án íslensks marks. Austurríki raðaði inn 8 mörkum og spil Íslands stirt bæði í sókn og vörn. Ekkert minnti á fyrri hálfleikinn. Hamskipti.
Þegar leið á seinni háfleikinn komst Ísland aftur í gang eftir að hafa lent undir. Lokatölur urðu 26-24. Markmið nýja landliðsþjálfarans að ná sæti á Ólympíuleikunum er fokið út í veður vind nema Ungverjar nái stigi gegn Frökkum í kvöld.
