Það hefur líklega ekki farið fram hjá neinum Íslendingi undanfarið að það er orðið ansi dýrt að versla sér mat. Ljóst er að mörgum hefur blöskrað síðustu mánuði þegar í ljós kom að minniháttar innkaup kostuðu tugi þúsunda. Svo slæmt er það að dýrtíðin hefur nú ratað í erlenda fjölmiðla.

Nánar tiltekið einn stærsta fjölmiðil Póllands, Fakt. Sá fjölmiðill ku vera sambærilegur við DV hér á landi að sögn Pólverja sem Samstöðin hefur rætt við. Fréttin er skrifuð af Pólverja sem kom hingað til lands sem ferðamaður en sá rak upp stór augu þegar hann hugðist versla í Bónus. Svo hneykslaður var pólski blaðamaðurinn að hann sá sig tilneyddan að ljósmynda Bónus og verðið þar bak og fyrir.

„Sex egg kosta 429 krónur, eða ríflega 12 pólskt slot. Við árbakka Visla kostar það helmingi minna,“ segir í fréttinni. Sumt kostar þó svipað mikið í Pólandi og Íslandi, svo sem bananar og kaffi. „Hvað varðar vatnsmelónur, þá þurfa Íslendingar að borga fjórum sinnum meira en Pólverja,“ segir í fréttinni en hana má sjá hér.