Ofsóknir gegn tjáningarfrelsinu

Fjölmiðlar 7. okt 2022

„Sakirnar á hendur Julian Assange eru þær að hafa komið á framfæri upplýsingum um stríðsglæpi Bandaríkjamanna og bandamanna þeirra í írak, Afganistan og víðar,“ skrifar Ögmundur Jónasson á síðu sína, en hann stendur með fleirum fyrir samstöðu við Alþingishúsið á morgun til þess að krefjast þess að Julian Assange verði látinn laus úr fangelsi.

Ögmundur segir að upplýsingarnar sem Wikileaks birti hafi síðan verið birtar í öllum helstu fjölmiðlum um allan heim enda þóttu þær mikilvægt innlegg í umræðu um ofbeldi og mannréttindabrot.

„Þingmenn, fjölmiðlafólk og allur almenningur verða að rísa upp til varnar Julian Assange og þar með frjálsri fjölmiðlun. Ofsóknir á hendur Wikileaks og Julian Assange beinast gegn tjáningarfrelsinu og þar með lýðræðinu,“ skrifar Ögmundur.

Samstaðan hefst kl. 12 og líkur kl. 13 á sama tíma og efnt verður til sams konar fundar við breska þingið í London. Með þessu móti eru þingmenn þar og hér hvattir til að beita sér fyrir því að látið verði af ofsóknum á hendur Julian Assange og Wikileaks.

Hér getur fólk skráð mætingu á Facebook: Mótmælum framsali Julian Assanges til Bandaríkjanna.

Samstöðin er umræðu- og fréttavettvangur sem studdur er af almenningi í gegnum Alþýðufélagið. Ef þér líkar efni Samstöðvarinnar getur þú eflt hana með því að gerast einskonar áskrifandi sem félagi í Alþýðufélaginu. Skrá mig arrow_forward

Rauða borðið
í beinni
Rauða borðið, 24. maí