Fullyrðir að bóluefnin fjölgi dauðsföllum

Heilbrigðismál 16. apr 2023

„Af hverju halda ís­lensk stjórn­völd áfram að hvetja al­menn­ing, ekki síst eldri borg­ara, til að þiggja örvun­ar­bólu­setn­ing­ar þrátt fyr­ir óviðun­andi mikla hættu á al­var­leg­um skaða eða jafn­vel dauðsföll­um af völd­um bólu­efn­anna?“ spyr Þorgeir Eyjólfsson, þríbólusettur eftirlaunamaður sem lengi var forstjóri Lífeyrissjóðs verslunarmanna í grein í helgar-Mogganum. Og bætir við: „Not­um aðrar aðferðir til að fækka á biðlist­um og stytta bið eft­ir hjúkr­un­ar­rým­um.“

Þorgeir heldur því fram að rannsóknir styðji ekki þá fullyrðingu að gagn sé af bóluefnunum en segir að fjölmargar rannsóknir hafi sýnt fram á skaðsemi þeirra. Hann fullyrðir að bóluefnin fjölgi dauðsföllum, fækki þeim ekki.

„Áður en bólu­efni er tekið í notk­un þarf að ganga úr skugga um að það sé ör­uggt, þ.e. að efnið valdi ekki skaða og það þjóni þeim til­gangi sem til er stofnað,“ skrifar Þorgeir. „Hvorugu þess­ara mark­miða hafði verið náð með bólu­efn­in gegn Covid-19 þegar ákveðið var á ár­inu 2020 að bólu­setja al­menn­ing með efn­un­um. Und­ir­bún­ings­ferli við að koma lyfi á markað, sem venju­lega tek­ur ein­hver miss­eri, var stytt í nokkra mánuði. Horft var fram hjá vís­bend­ing­um um al­var­lega skaðsemi og jafn­vel dauðsföll sem fram komu í klín­ísk­um rann­sókn­um.

At­hug­un á rann­sókn­ar­gögn­um Pfizer hef­ur leitt í ljós að í nokkr­um til­vik­um voru niður­stöður rann­sókna rang­færðar til að auðvelda leyf­is­ferli bólu­efn­is­ins. Ekki er að undra að lyfja­fyr­ir­tækið hafi reynt að halda upp­lýs­ing­um um reynslu af bólu­efn­un­um í til­raun­um leynd­um fyr­ir al­menn­ingi í rúm 70 ár. Dóm­ari í BNA sá til þess að svo varð ekki.

Nú tveim­ur árum eft­ir að fjölda­bólu­setn­ing­ar hóf­ust eru dauðsföll langt yfir þeim fjölda sem gera hefði mátt ráð fyr­ir og sker Ísland sig úr í sam­an­b­urði við Evr­ópu­lönd­in með hlut­falls­lega flest um­framdauðsföll. Það lát­ast liðlega 30% fleiri Íslend­ing­ar í hverj­um mánuði miðað við reynslu síðustu fimm ára.

Um heim all­an hef­ur stjórn­völd­um verið ráðlagt af Alþjóðaheil­brigðismála­stofn­un­inni (WHO) að flokka dauðsföll­in af völd­um bólu­efn­anna í dán­ar­meina­skrá land­anna með dauðsföll­um af völd­um Covid-veirunn­ar. Þetta sjá­um við hér á landi með því að fara á heimasíðu Land­lækn­is en sam­kvæmt upp­lýs­ing­um á heimasíðunni fjöru­tíu­földuðust dauðsföll á Íslandi af völd­um Covid, þ.e. úr sjö á ár­inu 2021 í 281 á ár­inu 2022. Vand­ræði Land­lækn­is við að koma dauðsföll­un­um af völd­um bólu­efn­anna fyr­ir í dán­ar­meina­skránni eru hverj­um manni aug­ljós. Þeir sem ekki trúa skaðsemi bólu­efn­anna hljóta að spyrja sig: Hver var ávinn­ing­ur­inn af bólu­setn­ing­un­um á ár­inu 2021 ef fjöldi dauðsfalla fjöru­tíufald­ast á ár­inu 2022 í kjöl­far bólu­setn­ing­anna þegar far­ald­ur­inn var geng­inn yfir?

Íslensk stjórn­völd þurftu að taka erfiðar ákv­arðanir meðan á far­aldr­in­um stóð. Eðli máls sam­kvæmt höfðu þau enga mögu­leika aðra en að fylgja Evr­ópu um kaup á bólu­efn­un­um sem þá voru tal­in koma í veg fyr­ir smit. Fljót­lega kom á dag­inn að það gerðu þau ekki. Á sama tíma var komið í ljós að sjúk­dóm­ur­inn var ekki jafn hættu­leg­ur og talið var í fyrstu ef sjúk­ling­ar fengu rétta meðferð. Þarna var komið tæki­færi til að bregðast við fram­komn­um staðreynd­um. Það var ekki gert held­ur var tekið til við að telja al­menn­ingi trú um að bólu­efn­in milduðu sjúk­dóms­ein­kenni. Eng­ar rann­sókn­ir hafa rennt stoðum und­ir þær full­yrðing­ar.

Fjöl­marg­ar rann­sókn­ir sýna óum­deil­an­lega skaðsemi bólu­efn­anna. Við horf­um á skyndi­dauðsföll af­reks­manna í íþrótt­um af völd­um efn­anna. Þær eru fáar fjöl­skyld­urn­ar á Íslandi sem þekkja ekki til al­var­legs skaða, fóst­ur­láts eða dauðsfalls sem rekja má til þeirra. Á ár­inu 2023 eru eng­in hald­bær rök fyr­ir áfram­hald­andi notk­un mRNA-bólu­efn­anna. Bæði Dan­ir og Bret­ar hafa end­ur­skoðað regl­ur um bólu­setn­ing­ar. Stjórn­völd í Ástr­al­íu hafa kúvent í af­stöðu til bólu­efn­anna. Í Sviss hef­ur verið hætt að mæla með notk­un bólu­efn­anna nema lækn­ir­inn sem ráðlegði bólu­setn­ingu bæri ábyrgð á hugs­an­leg­um skaða sem af bólu­setn­ing­unni kynni að leiða.“

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina arrow_forward

Rauða borðið
í beinni
Rauða borðið, 24. maí