Rússlandsfræðingurinn Julie Wilhelmsen fékk hin árlegu verðlaun málfrelsissjóðsins Frjálst orð í Noregi fyrir kjark og elju í gegnrýni á stefnu Nató og Bandaríkjanna í Austur-Evrópu. Wilhelmsen hefur bent á hvernig útþenslustefna Nató gróf undan friði og öryggi í austurhluta álfunnar. Og hefur verið úthrópuð sem Pútinisti fyrir vikið.
Þetta er virt og viðurkennd verðlaun í Noregi. Þau hafa verið veitt árlega síðan 1976 fólki sem notað hefur málfrelsi sitt til að standa gegn meginstraumnum og varið með því rétt fólks til tjáningar. Í fyrra fékk rússneski vefurinn Meduza verðlaunin. Greta Thunberg fékk þau fyrir fáum árum. Blaðamenn, fréttamenn, fræðafólk og þau sem beita sér í umræðunni eða fletta ofan af spillingu og misbeitingu valds eru meðal handhafa þessara verðlauna.
Hart hefur verið sótt að Julie Wilhelmsen fyrir gagnrýni hennar á utanríkisstefnu Bandaríkjanna í Austur-Evrópu, sem jafnframt er stefna Nató. Hún hefur verið sökuð um að ganga erinda Pútin og Rússa, sem er hjákátlegt því hún var úrskurðuð sem persona non grata í Rússlandi árið 2015 fyrir skrif hennar um stríðið í Tétséníu.
Gagnrýni Wilhelmsen snýr að því að útvíkkun Nató til austurs hafi grafið undan öryggi á svæðinu. Ljóst hafi verið að þessi stefna myndi leiða til viðbragða rússneskra stjórnvalda.
Myndin er af Grete Brochmann formanni Fritt Ords afhenda Julie Wilhelmsen verðlaunin.