„Í Landmannalaugum er verið að setja upp búningsklefa sem skyggja á útsýnið til fjalla en veita spéhræddum lítið skjól. Enginn taldi þetta í anda upplifunar náttúrulauga. Hvers vegna er verið að dextra spéhræðslu Bandaríkjamanna, fari fólk annað ef Landmannalaugar henta ekki.“
Þetta segir Karen Kjartansdóttir, almannatengill og fyrrverandi framkvæmdarstjóri Samfylkingarinnar, á Twitter en þar deilir hún einnig mynd af þessum klefum. Líkt og Karen bendir á í öðru tísti, þá hafa hinir allra spéhræddust hingað til getað notað klósettið við Laugina.
„Fyrir þau ykkar sem ekki eru kunnug staðháttum þá er hægt að hafa fataskipti á salernisaðstöðunni þarna ef fólk heldur virkilega að aðrir laugargestir þrái að að sjá á þeim typpið eða píkuna. Aldrei hef ég kastað frá mér spéhræðslunni jafn skjótt. Hegðaði mér eins og Frakki, Spánverji, Finni eða Þjóðverji þarna. Hafi ég sært blygðunarkennd einhverra verður sá hinn sami að eiga það við sig.“