Aðeins ófriðsamir sinni ekki tilmælum lögreglu

Guðrún Hafsteinsdóttir dómsmálaráðherra segir að þegar fólk virði ekki tilmæli lögreglu dragi hún í efa að kalla megi mótmæli friðsamleg.

Ef lögreglan hefði ekki verið á staðnum síðastliðinn föstudag við Skuggasund hefðu ráðherrar hvorki komist á ríkisstjórnarfund né af honum.

Þetta kom fram á Alþingi í dag en ummælum ráðherra mótmælti Þórhildur Sunna Ævarsdóttir þingmaður pírata harðlega í óundirbúnum fyrirspurnatíma.

Lögreglan sprautaði piparúða í miklum mæli í augu mótmælenda fyrir helgi. Vildi Þórhildur Sunna vita hvort Guðrún hefði ekki verið of fljót að tjá sig í fréttum um að ekkert væri að hennar mati athugavert við hörð viðbrögð lögreglu.

Þórhildur Sunna sagði að óhlýðni við lögreglu gæfi ekki lögreglufólki rétt til að ráðast að fólki. Þá sé rangt að ráðherrar hefðu ekki getað gengið síðasta spölinn þótt mótmælendur hefðu stöðvað bíla þeirra. Alvarlegt sé ef borgarar fái þau skilaboð þátttaka í mótmælum geti reynst þeim skaðleg, enda sé um að ræða lýðræðislegan rétt almennings sem beri að vernda.

Við þurfum á þér að halda

Þú getur tekið þátt í að byggja upp öflugum fjölmiðli.

Samstöðin er í eigu lesenda, áhorfenda og áheyrenda. Með því að gerast áskrifandi getur þú orðið félagi í Alþýðufélaginu og þar með eigandi að Samstöðinni.

Áskrifendur borga fyrir það efni sem þeir nota en tryggja í leiðinni að aðrir geti notið þess. Þetta er því ekki eigingjörn áskrift heldur rausnarleg og samfélagslega ábyrg.

Samstöðin byrjaði sem umræðuþættir á Facebook en er nú orðinn að fréttavef, útvarps- og hlaðvarpsþáttum, skoðanapistlum og sjónvarpsdagskrá.

Við trúum að Samstöðin skipti máli fyrir samfélagið, að það sé þörf fyrir róttæka umræðu um málefni sem snerta fólk út frá sjónarhóli og hagsmunum almennings.

Ef þú ert sama sinnis skaltu endilega gerast áskrifandi að Samstöðinni og þar með einn af eigendum hennar.

Þitt framlag skiptir máli.

Ég vil styrkja Samstöðina