Samstöðin birtir í kvöld níutíu mínútna langt viðtal sem tekið var um helgina við Snorra Másson, næstyngsta þingmann Alþingis, fulltrúa Miðflokksins.
Snorri fer yfir lífssögu sína, allt frá fyrstu minningu til fjölgunar í fjölskyldunni fyrir aðeins þremur vikum.
Björn Þorláks ræðir við þingmanninn. Viðtalið er undir hatti liðarins „Óþekkti þingmaðurinn“ þar sem markmiðið er að ræða við alla þá þingmenn sem komu nýir inn í síðustu kosningum, 34 talsins – meirihluta þingsins.
Snorri hefur ítrekað skapað umdeilanleika og usla hér á landi með ummælum sínum og gjörðum. Hann á sér líka töluvert persónufylgi, einkum meðal ungra kjósenda og sker sig úr þingmannahópi Miðflokksins fyrir aldurs sakir. Verður meðal annars í viðtalinu reynt að grafast fyrir með persónulegum hætti hvaða lífsfreynsla liggur að baki skoðunum þingmannsins.
Rauða borðið á Samstöðinni er sent út frá mánudegi til fimmtudags allar vikur og hefst útsending klukkan 20.
Hægt er að styrkja Samstöðina með hóflegu mánaðargjaldi, eða aðeins kr. 2.750 á mánuði með því að heimsækja áskriftarsíðu Samstöðvarinnar hér:
