Vantar réttlæti í fjárlögin

Ríkisfjármál 15. Sep 2022

Hagfræðingar heildarsamtaka launafólks eru sammála um að það sem helst vanti í fjárlögin sé réttlæti. Fjárlögin leggi byrðar á launafólk sem búi nú við verðbólgu og hækkandi húsnæðiskostnað en ekki á þau sem hafa hagnast mikið á undanförnum misserum.

Þau komu að Rauða borðinu Vilhjálmur Hilmarsson hagfræðingur BHM, Róbert Farestveit hagfræðingur ASÍ og Heiður M. Björnsdóttir hagfræðingur hjá BSRB og fóru yfir fjárlögin. Ef draga ætti saman niðurstöður þeirra þá eru þær að mikið skorti á að í fjárlögunum megi finna varnir fyrir almenning gegn dýrtíð og kaupmáttarskerðingu vegna hækkunar húsnæðiskostnaðar. Og að fjárlögunum sé lokað með miklum halla í stað þess að sækja tekjur til stórútgerðar, banka eða álvera sem búa nú við einstaklega hagfelldar aðstæður.

Horfa má á samtal hagfræðingana í spilaranum hér að ofan.

Rauða borðið
í beinni
Rauða borðið, 24. maí