Ásmundur Tryggvason, framkvæmdastjóri Fyrirtækja og fjárfesta hjá Íslandsbanka, setti sig sérstaklega í samband við regluvörð bankans til að liðka fyrir kaupum starfsmanna bankans. Þetta kemur fram í skýrslu fjármálaeftirlits Seðlabankans. Ásmundur er eiginmaður Önnu Lísu Björnsdóttur framkvæmdastjóra þingflokks Vinstri grænna, en hann keypti 96.108 hluti í Íslandsbanka á 11,2 milljónir og hún keypti einnig, eftir að útboðinu lauk.
Þátttaka starfsmanna bankans átti að vera háð takmörkunum en fyrrnefndur regluvörður gat þrengt tímamörk eða bannað starfsmönnum að kaupa í bankanum. Líkt og fyrr segir setti Ásmundur sig sérstaklega í samband við regluvörð til að ræða kaup starfsmanna í bankanum. Fjármálaeftirlitið segir að þátttaka starfsmanna Íslandsbanka hafi skapað fjölmarga hagsmunaárekstra.
Ásmundur starfar enn hjá Íslandsbanka en að sögn mbl.is er hann einn fárra sem komu að bankasölunni sem enn starfa hjá bankanum. Í frétt mbl segir enn fremur að honum sé legið á hálsi í sáttinni að hafa ekki framkvæmt sjálfstætt áhættumat á sölunni.
DV fjallaði nokkuð ítarlega um þátt Önnu Lísu í bankasölunni í fyrra. Þar var greint frá því að Anna Lísa hafi keypti 12.658 hluti og hvern hlut á verðinu 79. Hún keypti degi fyrir að opnu hlutafjárútboði lauk. Í tilkynningu Íslandsbanka til Fjármálaeftirlitsins um „viðskipti fjárhagslega tengds aðila“ var greint frá því að Anna Lísa væri fjárhagslega tengd fruminnherja, það er að segja eiginmanni hennar, Ásmundi.