Segjum að Birna Einarsdóttir bankastjóri Íslandsbanka væri að keyra jeppann sinn talandi í farsímann án handfrjáls búnaðar, með hina sex í framkvæmdastjórn bankans í bílnum og enginn í öryggisbelti, stöðvaði ekki við gangbraut á ljóslausum bíl, gæfi svo í til að komast fram úr. næsta bíl þar sem það er bannað, keyrði of nálægt reiðhjólamanni sem þar væri á ferð og æki svo á móti umferð upp einstefnugötu. Þar næði löggan og léti Birnu blása í áfengismæli þar sem í ljós kæmi að hún væri með þrefalt leyfilegt áfengismagn í andardrættinum. Þá myndi Birna missa prófið í 10 mánuði vegna ölvunaraksturs og í 3 mánuði vegna annarra umferðarlagabrota. Og hún þyrfti að borga 460 þús. kr. sekt.

Svona er listinn yfir (ímynduð) brot Birnu:

* Þú missir prófið í 3 mánuði fyrir 12 punkta en í 10 mánuði fyrir þetta áfengismagn.

Afhverju erum við að setja upp þetta dæmi? Jú, það er dæmi um alvarlega og hættulega hegðun sem sektir liggja við. Sektin sem Íslandsbanki féllst á gagnvart fjármálaeftirlitinu var hins vegar 2.609 sinnum hærri en sekt Birnu í þessa ímyndaða dæmi. Og hún missti ekki prófið til að keyra bankann áfram.

Á vef lögreglunnar má sjá sektarreikni þar sem fjöldi umferðarlagabrota er tilgreindur. Ef við leggjum allar þessar sektir saman er upphæðin sem Íslandsbanki var sektaður um 1.026 sinnum hærri. Það segir nokkuð til um alvarleika brotsins.

Rennið yfir þennan lista 1.026 sinnum og þá fáið þið hugmynd um alvarleika brots Íslandsbanka, það er ef eitthvert samræmi er á milli sekta og brota: