Eins furðulegt og það kann að hljóma þá hélt Ásgeir Jónsson seðlabankastjóri ræðu á Hólahátið um helgina þar sem hann talaði gegn efnishyggju á Íslandi. Ásgeir sagði meðal annars að andlega vanlíðan hafa aukist hratt meðal ungs fólks. Hluti af ræðu hans var birt í Morgunblaðinu í dag.
Ásgeir talaði meðal annars gegn samfélagsmiðlum en ummæli hans um „tásumyndir á Tenerife“ eru löngu orðin fræg. „Nú erum við orðin rík þjóð. Allir eiga tölvu eða snjallsíma og eiginlega þurfum við ekki meira af tækjum. Við eyðum nú peningunum helst í upplifun – líkt og utanlandsferðir. Síðan birtum við myndir af okkur á samfélagsmiðlum – sem sýna þessar upplifanir okkar. Raunar er risin upp ný stétt áhrifavalda sem sýnir fylgjendum sínum hvernig eigi að nýta tímann og njóta lífsins,“ sagði seðlabankastjóri.
Ásgeir talaði enn fremur gegn efnishyggju, „þar sem fólk vill fá lífsfyllingu með öðrum hætti en efnishyggju“. Seðlabankastjóri sagði enn fremur freistandi að benda á samfélagsmiðla sem ástæðu þess að andleg vanlíðan væri að aukast. Ég ætla ekki að þykjast vita hvað hefur nákvæmlega gerst, en það hefur gerst hratt. Árið 2014 taldi 81% unglinga í 8.-10. bekk gagnfræðaskóla geðheilsu sína góða í könnunum. Árið 2021 var þetta hlutfall komið niður í 57%. Ég gæti hér þulið upp heilan hafsjó af svipuðum tölum – sem segja nákvæmlega hið sama: Andleg líðan ungs fólks hefur versnað stórlega,“ sagði Ásgeir.
