„Það er aug­ljóst í mín­um huga að mat­vælaráðuneytið, und­ir for­ystu ráðherra Vinstri-grænna, skeyt­ir engu um niður­stöðu umboðsmanns Alþing­is og held­ur skipu­lega áfram í sinni veg­ferð að reyna að leggja at­vinnu­starf­sem­ina af, þótt hún bygg­ist á lög­um,“ segir Kristján Loftsson hjá Hval ehf í Mogganum í dag.

Kristján kvartar undan að ekkert gangi að fá leyfi til hvalveiða og setur þar með þrýsting á Bjarkeyju Olsen, nýjan matvælaráðherra, eftir að upp úr sauð milli hans og Svandísar Svavarsdóttur vegna inngripa ráðherrans.

Nú er Svandís komin í annað ráðuneyti eftir að Umboðsmaður alþingis átaldi hana vegna banns á veiðum. Bannið hafi ekki verið í samræmi við viðurkennda stjórnsýslu en Svandís vísaði til dýraverndar.

Kristján segir í Mogganum að ef ekki fáist starfsleyfi sé ekki hægt að ganga í mannaráðningar eða kaup á aðföngum. Að óbreyttu verði engar hvalveiðar seinna á árinu.

Kristján ætla sér að lögsækja íslenska ríkið eftir stjórnsýslu Svandísar sem hann segir að hafi skaðað fyrirtækið mjög. Gætu milljarðar af opinberu fé verið undir í bótum.