Vinnuskúrinn

Vinnuskúrinn er vettvangur umræðu um fréttir vikunnar og það sem hæst ber í samfélaginu hverju sinni út frá sjónarhóli alþýðunnar og almannasamtaka.

Umsjón: Gunnar Smári Egilsson

Vinnuskúrinn 21. maí

Vinnuskúrinn 21. maíarrow_forward

S01 E017 — 21. maí 2022

Til að ræða fréttir vikunnar koma í Vinnuskúrinn þau Ragnar Þór Ingólfsson formaður VR, Guðbjörg Kristmundsdóttir formaður Verkalýðs- og sjómannafélags Keflavíkur, Breki Karlsson formaður Neytendasamtakanna og Friðrik Jónsson formaður BHM. Kosningaúrslit, staða flokkanna, tillögur i húsnæðismálum, flóttafólk, stríð og spilling.

Vinnuskúrinn 14. maí

Vinnuskúrinn 14. maíarrow_forward

S01 E016 — 14. maí 2022

Til að ræða fréttirnar í kosningaviku koma í Vinnuskúrinn þau Fjölnir Sæmundsson formaður Landssambands lögreglumanna, Steinunn Þórðardóttir formaður Læknafélags Íslands, Sonja Þorbergsdóttir formaður BSRB og Hallfríður Þórarinsdóttir sem verið hefur fundarstjóri á mótmælunum á Austurvelli að undanförnu, en segja má að Austurvöllur sé eitt af almannasamtökum landsins. Við ræðum kosningar og pólitík, dýrtíð og vaxtahækkanir, húsnæðiskreppu og heilbrigðiskerfið en líka Júróvison og kappræður.

Vinnuskúrinn 7. maí

Vinnuskúrinn 7. maíarrow_forward

S01 E015 — 7. maí 2022

Til að ræða fréttir viðburðaríkrar viku koma í Vinnuskúrinn þau Guðrún Elín Pálsdóttir formaður Verkalýðsfélag Suðurlands, Hörður Guðbrandsson formaður Verkalýðsfélags Grindavíkur, Guðmundur Helgi Þórarinsson formaður VM og Þuríður Harpa Sigurðardóttir formaður Öryrkjabandalagsins.

Ríkisstjórnin kynnti allskonar í gær eftir erfiðar vikur vegna bankasölunnar, sveitarstjórnarkosningar eru í nánd og farnar að hafa áhrif á fréttirnar, verðbólga hækka og vextir rjúka upp og enn er mótmælt. Þetta og fleira verður til umræðu á laugardagsmorgni.

Vinnuskúrinn 30. apríl

Vinnuskúrinn 30. aprílarrow_forward

S01 E014 — 30. apr 2022

Sólveig Anna Jónsdóttir formaður Eflingar, kannski umdeildasta kona Íslands um þessar mundir, verður fyrsti gesturinn í Vinnuskúrnum á morgun. Við ræðum tímamótin í Eflingu en líka um hvernig stéttabarátta láglaunafólks verður á næstu misserum.

Um korter fyrir ellefu koma í Vinnuskúrinn að ræða fréttir viðburðaríkrar viku þau Steinunn Þórðardóttir formaður Læknafélag Íslands, Þórarinn Eyfjörð formaður Sameykis og Aðalsteinn Árni Baldursson formaður Framsýnar.

Vinnuskúrinn 23. apríl

Vinnuskúrinn 23. aprílarrow_forward

S01 E013 — 23. apr 2022

Til að ræða fréttir viðburðaríkrar viku koma í Vinnuskúrinn þau Sonja Þorbergsdóttir formaður BSRB, Friðrik Jónsson formaður BHM, Drífa Snædal forseti ASÍ og Þorgerður Laufey Diðriksdóttir formaður Félags grunnskólakennara.

Bankasala, ráðherraábyrgð, átök í Eflingu, stríð í Úkraínu og breytt heimsmynd, fordómar og rasismi í samfélaginu, dýrtíð og misskipting, húsnæðiskreppa og fólk í óleyfisíbúðum.

Vinnuskúrinn 9. apríl

Vinnuskúrinn 9. aprílarrow_forward

S01 E012 — 9. apr 2022

Magnús Þór Jónsson hefur tekið við sem formaður Kennarasambandsins. Við ræðum við hann í fyrramálið um komandi baráttu kennara fyrir bættum lífskjörum og betra skólakerfi. Síðan koma í Vinnuskúrinn þau Hjördís Þ. Sigurþórsdóttir formaður AFLs starfsgreinafélags á Austurlandi, Breki Karlsson formaður Neytendasamtakanna og Hilmar Harðarson formaður Samiðnaðar og Félags iðn- og tæknigreina og ræða við okkur Magnús um fréttir vikunnar, bankasölu, átök á Alþingi, vaxandi verðbólgu og fleira.

Vinnuskúrinn 26. mars

Vinnuskúrinn 26. marsarrow_forward

S01 E011 — 26. mar 2022

Vilhjálmur Birgisson nýkjörinn formaður Starfsgreinasambandsins kemur fyrstur í Vinnuskúrinn, fagnar sigri og horfir fram á veg. Hvað merkir kjör hans fyrir stefnu verkalýðshreyfingarinnar, baráttuaðferðir og áherslur? Síðan koma í Vinnuskúrinn að ræða fréttir vikunnar þau Guðbjörg Kristmundsdóttir formaður Verkalýðs- og sjómannafélags Keflavíkur og nýkjörinn varaformaður Starfsgreinasambandsins, Guðmundur Helgi Þórarinsson sem í gær var endurkjörinn formaður VM félag vélstjóra og málmtæknimanna og Þórarinn Eyfjörð formaður Sameykis.

Vinnuskúrinn 19. mars

Vinnuskúrinn 19. marsarrow_forward

S01 E010 — 19. mar 2022

Við byrjum á umræðum milli þeirra sem bítast munu um formannsstólinn í Starfsgreinasambandinu á þingi sambandsins í næstu viku. Vilhjálmur Birgisson, formanni Verkalýðs- og sjómannafélag Akranes, og Þórarinn Sverrisson, formaður Öldunnar stéttarfélags í Skagafirði, ræða um ágreininginn innan Alþýðusambandsins og Starfsgreinasambandsins, um áherslur sínar í verkalýðsbaráttunni, málefnin sem mestu skipta og hlutverk forystunnar í baráttunni. Á eftir koma þær Þorgerður Laufey Diðriksdóttir, formaður Félag grunnskólakennara, og Þuríður Harpa Sigurðardóttir, formaður Öryrkjabandalagsins, í Vinnuskúrinn og við ræðum fréttir vikunnar frá sjónarhóli verkalýðs og almennings.

Vinnuskúrinn 12. mars

Vinnuskúrinn 12. marsarrow_forward

S01 E009 — 12. mar 2022

Fyrst kemur í Vinnuskúrinn klukkan tíu Ragnar Þór Ingólfsson formaður VR og ræðir harða gagnrýni sína á stjórn Alþýðusambandsins og forystu margra verkalýðsfélaga sem hann lagði fram í grein í vikunni. Um hvað eru átökin í verkalýðshreyfingunni og hvernig munu þau enda; með klofningi, sigri eins arms yfir hinum eða sáttum?

Þegar klukkan verður korter í ellefu bætast í hópinn til að ræða fréttir vikunnar frá sjónarhóli vinnandi fólks, öryrkja og eldri borgara þau Kristján Þórður Snæbjarnarson, fyrsti varaforseti Alþýðusambandsins og formaður Rafiðnaðarsambandsins, Helgi Pétursson formaður Landssambands eldri borgara og María Pétursdóttir formaður málefnahóps Öryrkjabandalagsins um húsnæðismál.

Vinnuskúrinn 5. mars

Vinnuskúrinn 5. marsarrow_forward

S01 E008 — 5. mar 2022

Fyrst kemur í Vinnuskúrinn klukkan tíu Björn Snæbjörnsson, formaður Einingar-Iðja á Akureyri og Starfsgreinasambandsins. Björn er þessi misserin að ljúka löngum ferli innan verkalýðshreyfingarinnar, hættir sem formaður Starfsgreinasambandsins eftir nokkrar vikur og hefur gefið út að hann mun ekki sækjast eftir endurkjöri sem formaður Einingar-Iðja. Við notum þessi tímamót til að ferðast yfir langan tíma með Birni, horfum yfir sögu og þróun verkalýðshreyfingarinnar, Akureyri, samfélags og stjórnmála.


Þegar klukkan verður korter í ellefu bætast í hópinn til að ræða fréttir vikunnar frá sjónarhóli hins vinnandi manns þau Drífa Snædal forseti Alþýðusambandsins, Friðrik Jónsson formaður BHM og Guðmundur Hrafn Arngrímsson formaður stjórnar Leigjendasamtakanna.

Vinnuskúrinn 26. febrúar

Vinnuskúrinn 26. febrúararrow_forward

S01 E007 — 26. feb 2022

Fyrst kemur í Vinnuskúrinn Sonja Þorbergsdóttir formaður BSRB og ræðir sína sýn á verkefni verkalýðshreyfingarinnar. Hver eru sérstök baráttumál opinberra starfsmanna og um hvað getur breið verkalýðshreyfing sameinast um? ER BSRB með stefnu varðandi opinberan rekstur, einkavæðingu, vald starfsfólks um þróun þeirra stofnana og kerfa sem það vinnur innan?

Þegar klukkan verður korter í ellefu bætast í hópinn til að ræða fréttir vikunnar frá sjónarhóli hins vinnandi manns þær Sandra B. Franks Sjúkraliðafélag Íslands, Þorgerður Laufey Diðriksdóttir Félag grunnskólakennara og Steinunn Bergmann Félagsráðgjafafélag Íslands. Og þær munu auk þess ræða stéttabaráttu kvennastétta.

Vinnuskúrinn 19. febrúar

Vinnuskúrinn 19. febrúararrow_forward

S01 E006 — 19. feb 2022

Fyrst kemur í Vinnuskúrinn nýkjörinn formaður Eflingar Sólveig Anna Jónsdóttir og lýsir sinni sýn á framtíð verkalýðshreyfingarinnar. Hvernig verður hreyfingin sterk og hvernig nær hún árangri? Ef ágreiningur er um markmið og aðferðir; um hvað snýst þá ágreiningur?

Þegar klukkan verður korter í ellefu bætast í hópinn til að ræða fréttir vikunnar frá sjónarhóli hins vinnandi manns þau Þórarinn Sverrisson formaður Öldunnar í Skagafirði, Guðjón Hreinn Hauksson formaður Félags framhaldsskólakennara og Þuríður Harpa Sigurðardóttir formaður Öryrkjabandalags Íslands.

Vinnuskúrinn 12. febrúar

Vinnuskúrinn 12. febrúararrow_forward

S01 E005 — 12. feb 2022

Fyrst kemur í Vinnuskúrinn Fjölnir Sæmundsson, sem kjörinn var formaður Landssambands lögreglumanna á síðasta ári, felldi sitjandi formann í kosningum. Fjölnir segir frá sjálfri sér, kjarabaráttu lögreglumanna, sérstöðu hennar og stöðu opinberra starfsmanna. Og við ræðum lýðræðið innan verkalýðshreyfingarinnar, kosningar um og forystuskipti.

Þegar klukkan verður korter í ellefu bætast í hópinn til að ræða fréttir vikunnar frá sjónarhóli hins vinnandi manns þeir Vilhjálmur Birgisson formaður Verkalýðsfélagsins á Akranesi, Hörður Guðbrandsson formaður Verkalýðsfélags Grindavíkur og Ragnar Þór Ingólfsson formaður VR.

Vinnuskúrinn 5. febrúar

Vinnuskúrinn 5. febrúararrow_forward

S01 E004 — 5. feb 2022

Fyrst kemur í Vinnuskúrinn Hjördís Þ. Sigurþórsdóttir, formaður AFLs starfsgreinafélags á Austurlandi, og segir frá sjálfri sér, AFLi og verkalýðsbaráttunni á Austurlandi, sameiningu stéttarfélaga og möguleikum verkalýðsins í komandi samningum.

Svo bætast í hópinn til að ræða fréttir vikunnar frá sjónarhóli hins vinnandi manns þau Finnbogi Sveinbjörnsson formaður VerkVest, Aðalsteinn Á. Baldursson formaður Framsýn á Húsavík og Halldóra S. Sveinsdóttir formaður Bárunnar á Selfossi. Allir eru gestirnir formenn verkalýðsfélaga á landsbyggðinni, svo það verður sérstaklega rætt; kaup og lífskjör verkalýðsins um landið.

Vinnuskúrinn 29. janúar

Vinnuskúrinn 29. janúararrow_forward

S01 E003 — 29. jan 2022

Breki Karlsson formaður Neytendasamtakanna ræðir við Gunnar Smára um baráttu sína og um Neytendasamtökin og baráttu þeirra. Eru Neytendasamtökin hluti af réttindabaráttu almennings svipað og verkalýðshreyfingin eða er baráttan eðlisólík? Eru neytendasamtök borgaraleg á meðan verkalýðsfélög eru hluti hinnar sósíalísku arfleifðar? Eru Neytendasamtök á Íslandi ekki nógu sterk? Og ef svo er ekki, hvers vegna?

Þegar klukkan verður korter í ellefu bætast í hópinn til að ræða fréttir vikunnar frá sjónarhóli hins vinnandi manns þau Magnús Þór Jónsson nýkjörinn formaður Kennarasambandsins, Ragnar Þór Ingólfsson formaður VR og Guðbjörg Kristmundsdóttir formaður Verkalýðs- og sjómannafélags Keflavíkur.

Vinnuskúrinn 22. janúar

Vinnuskúrinn 22. janúararrow_forward

S01 E002 — 22. jan 2022

Fyrst ræðir Gunnar Smári við Ögmund Jónasson sem hefur sent frá sér bókina Rauði þráðurinn, þar sem hann fjallar meðal annars um verkalýðsmál, en Ögmundur var formaður BSRB í 21 ár. Hver er munurinn á verkalýðsbaráttunni nú og þá? Er verkalýðshreyfingin áhrifameiri í dag en áður var?

Þegar klukkan verður korter í ellefu bætast í hópinn til að ræða fréttir vikunnar frá sjónarhóli hins vinnandi manns þær Drífa Snædal forseti Alþýðusambandsins, Sonja Þorbergsdóttir formaður BSRB og Þuríður Harða Sigurðardóttir formaður Öryrkjabandalagsins.

Vinnuskúrinn 15. janúar

Vinnuskúrinn 15. janúararrow_forward

S01 E001 — 15. jan 2022

Fyrst ræðir Gunnar Smári við Þórarinn Eyfjörð, formann Sameykis, um hann sjálfan og félagið sem hann stýrir, hagsmuni hópsins, baráttuaðferðir og taktík. Hvað vilja opinberir starfsmenn fá út úr komandi kjarasamningum? Eiga opinberir starfsmenn að hafa mótandi áhrif á þróun þjónustu og rekstrar ríkisvaldsins?

Á eftir koma þau til að ræða fréttir vikunnar frá sjónarhóli hins vinnandi manns þau Hjördís Þ. Sigurþórsdóttir formaður AFLs á Austurlandi, Kristján Þórður Snæbjarnarson, formaður Rafiðnaðarsambandsins og Ragnar Þór Ingólfsson, formaður VR.

Rauða borðið
í beinni
Rauða borðið, 24. maí