Þetta segir Þorsteinn Már, forstjóri Samherja í opnu bréfi og sakar hann íslenska blaðamenn um það sem hann sjálfur kallar kunnuleg, óheiðarleg vinnubrögð hann bíður eftir afsökunarbeiðni.
Tilefni bréfaskriftanna er önnur afsökunarbeiðni sem Þorsteinn knúði fram frá norska dagblaðinu Aftenposten vegna þess sem kallað er ónákvæmni í umfjöllun blaðsins og snéri að meintri spillingu Samherja.
Vill fleiri afsökunarbeiðnir
„Aftenposten, sem er einn virtasti fjölmiðill Noregs, lét villa um fyrir sér en hafði kjark og burði vandaðs fjölmiðils til þess að leiðrétta rangfærslurnar,“ segir Þorsteinn. Honum finnst afsökunarbeiðni Aftenposten mikilvægur áfangi fyrir Samherja sem hann kallar „óvæntan bandamann frá Noregi“ sem taki nú undir þeirra málstað. Fordæmir hann að íslenskir fjölmiðlar hafi fjallað um greinina gagnrýnislaust og jafnvel notfært sér efni hennar til að byggja á fréttir með aukinni vigt. Þorsteinn segir frá aðferð sem notuð sé til þess að falsa upplýsingar einhverskonar upplýsingaþvætti en slíkt þekki Samherjamenn vel.
„Aðferðafræðin er okkur kunn; greinum er komið á framfæri við erlenda fjölmiðla og þær síðan fluttar á ný á Íslandi“
