Björn Birgisson, samfélagsrýnir frá Grindavík, vekur athygli á því á Facebook að ekki nóg með að stjórnarliðar hafi kosið að halda leynd yfir skýrslu um Lindarhvol, þá hafi einnig fjöldi þingmanna í stjórnarandstöðunni verið fjarverandi þegar kosið var um málið í gær. Alþingi kaus í gær gegn því að leyfa Jóhanni Páli Jóhannssyni, þingmanni Samfylkingarinnar, að leggja fram fyrirspurn um innihald greinargerðar fráfarandi setts ríkisendurskoðanda um Lindarhvol.
Björn birtir lista yfir þá þingmenn sem voru fjarverandi í gær, sem sjá má hér fyrir neðan, og skrifar: „Líklega litu margir á atkvæðagreiðslurnar á Alþingi í gær sem nokkurs konar uppgjör við leyndarhyggjuna og spillinguna sem þrífst dável í skjóli hennar og hefur sunkað Íslandi niður eftir öllum listum sem mæla spillingu í veröldinni.
Sérstaka athygli vakti að tæpur þriðjungur þingheims var „fjarverandi“ og tók ekki þátt í þessu uppgjöri, sem varð svo þinginu til ævarandi skammar.
Varðstaða stjórnarliða um Bjarna Benediktsson er orðin að aðhlátursefni langt út fyrir 200 mílna landhelgismörkin!
Hér að neðan er listi af vef Alþingis yfir þá þingmenn sem ekki greiddu atkvæði í gær vegna fjarveru.
Hvar var allt þetta fólk eiginlega?“
