Eins og við var að búast er grenjað vítt og breytt í Mogganum. Flestir dálkar eru brúkaðir fyrir grátinn ógurlega. Staksteinar dagsins eru þar á meðal.

„Ráðherr­ar gefa ekk­ert fyr­ir ábend­ing­ar þeirra sem starfa við sjáv­ar­út­veg eða stýra sjáv­ar­byggðum um að tvö­föld­un veiðigjalda muni hafa al­var­leg­ar af­leiðing­ar fyr­ir grein­ina og byggðirn­ar.

Ísfé­lagið er eitt þriggja skráðra sjáv­ar­út­vegs­fyr­ir­tækja í Kaup­höll Íslands og for­stjóri þess, Stefán Friðriks­son, sagði í af­komu­til­kynn­ingu í gær að ljóst væri að „af­koma grein­ar­inn­ar megi ekki við frek­ari kostnaðar­hækk­un­um þegar tekið er til­lit til nauðsyn­legra fjár­fest­inga og eðli­legr­ar af­komu grein­ar­inn­ar.

Eng­ar til­raun­ir hafa verið gerðar til að skoða áhrif þess­ara skatta­hækk­ana á at­vinnu­grein­ina og sam­keppn­is­hæfni henn­ar. Hærri skatt­ar á fyr­ir­tæki minnka mögu­leika þeirra á að fjár­festa í betri rekstri og draga úr getu fyr­ir­tækja til að gera bet­ur. Þarna eru því áform um að slátra mjólk­ur­kúnni.“

Þar segir einnig: „Síld­ar­vinnsl­an er annað skráð fé­lag í Kaup­höll­inni og fram­kvæmda­stjóri þess, Gunnþór Ingva­son, sagði í Dag­mál­um Morg­un­blaðsins að þessi mikla skatta­hækk­un þýddi að það yrði að hagræða. Hann sagðist til dæm­is sjá fyr­ir sér að vinnsl­um mundi fækka.

Aug­ljóst er að færri störf verða eft­ir í sjáv­ar­út­vegi með slíkri skatta­hækk­un og sjáv­ar­byggðirn­ar munu gefa eft­ir. Telja stjórn­völd það eft­ir­sókn­ar­verða þróun?“

Það var og. Skrif ámóta þessu er að finna víðar í Mogganum. Víst er að greinunum mun fjölga. Og það hratt og örugglega.