Rauða borðið
Róttæk samfélagsumræða
Við Rauða borðið er rætt um málefni dagsins, hagsmunamál almennings, samfélagið sem við eigum saman og hvernig við getum byggt það upp á grunni réttlætis, mannvirðingar, jöfnuðar og samkenndar.
Umsjón: Gunnar Smári Egilsson, Björn Þorláksson, María Lilja Ingveldar Þrastardóttir Kemp, Sigurjón Magnús Egilsson
Klippur
arrow_forward
Hugrekki
arrow_forward
Hugrekki Heimis til fyrirmyndar
arrow_forward
Er besta vörn íslenskrar menningar að hingað komi fólk, áhrif og hugmyndir sem víðast að?
Kristín Gunnlaugsdóttir myndlistarkona, Benedikt Erlingsson leikstjóri, Björn Þorsteinsson heimspekingur og Gígja Sara Björnsson sviðshöfundur ræða stöðu íslenskrar menningu við Gunnar …
arrow_forward
Er kynjastríðið komið út í skurð?
Helga Arnardóttir kvikmyndagerðarkona, Hlédís Maren Guðmundsdóttir félagsfræðingur, Frosti Logason ritstjóri og Reynir Lyngdal leikstjóri ræða við Gunnar Smára um norsku …
Þættir
Kjördæmið, heimsmálin, Greindavík og ungt fólk á glæpabrautarrow_forward
Við byrjum á fundi með þingmönnum Sunnlendinga: Oddný Harðardóttir frá Samfylkingu, Ásta Lóa Þórsdóttir frá Flokki fólksins, Guðbrandur Einarsson frá Viðreisn og Vilhjálmur Árnason frá Sjálfstæðisflokki ræða stöðuna í og við Grindavík. Hvernig á ríkisvaldið að bregðast við? Ögmundur Jónasson kemur til okkar og ræðir háskann í heimsmálunum og hver stefna íslenskra stjórnmála ætti að vera gagnvart honum. Sigríður María Eyþórsdóttir tónlistarkona, kirkjuvörður og tónmenntakennari kemur til okkar og segir okkur frá hamförunum í Grindavík, óvissunni og vonbrigðum með svör banka og fjármálastofnana til Grindvíkinga. í lokin ræðum við svo við Davíð Bergmann Davíðsson um glæpi ungmenna en hann hefur áratuga reynslu af starfi með ungmennum.
Óvissan, rasismi og réttlát umskiptiarrow_forward
Við ræðum við Hörð Guðbrandsson formann Verkalýðsfélags Grindvíkinga um hvað þurfi að gera til að slá afkomukvíða Grinvíkinga. Og við hann og Einar Dagbjartsson um hamfarirnar og hvernig lifa má við endalausa óvissuna. Við höfum verið að ræða rasisma við Rauða borðið, um áhrif hans á samfélagið og höldum því áfram í kvöld. Margrét Valdimarsdóttir afbrotafræðingur ræðir kynþáttahyggja í undirheimum og í réttarkerfinu sjálfu. Í lokin koma þær Kolbrún Halldórsdóttir formaður BHM og Auður Alfa Ólafsdóttir sérfræðingur hjá Alþýðusambandinu og segja okkur frá kröfum verkalýðshreyfingarinnar um réttlát umskipti í loftlagsmálum.
Grindavík, jarðsig, leigjendur og Fylkinginarrow_forward
Við höldum áfram að fá Grindvíkinga til okkar svo þeir geti lýst stöðu flóttafólks undan ógnum jarðar. Í kvöld kemur Páll Valur Björnsson og segir okkur frá bænum sínum, bæjarlífinu og stöðu sinni og annarra bæjarbúa. Við erum öll lent í jarðfræðitíma, skiljanlega, því við verðum að vita hvað það er sem er að móta líf okkar. Halldór Gíslason jarðeðlisfræðingur ætlar í kvöld að lýsa öflunum sem skekja Grindavík og hvers þau eru megnug. Það ganga hræringar yfir Leigumarkaðinn þar sem tug þúsundir fjölskyldna eru innikróaðar og komast ekki út þótt þær glaðar vildu. Már Wolfgang Mixa viðskiptafræðingur hefur kannað stöðu leigjenda og möguleika þeirra á að brjótast út af leigumarkaði og segir okkur frá niðurstöðunum í kvöld. Í lokin kemur Ragnar Stefánsson jarðskjálftafræðingur og rekur fyrir okkur sögu Fylkingarinnar, félags byltingarsinnaðra sósíalista á síðustu öld.
Grindavík, rasismi og eldsumbrotarrow_forward
Páll Erlingsson kennari kemur til okkar og segir okkur frá stöðu Grindvíkinga sem eru á flótta undan landinu. Hvaða framtíð sjá þeir? Hverjar eru vonirnar, hvað óttast fólk mest og hvaðan kemur stuðningurinn? Við fáum Eirík Örn Norðdahl til að ræða við okkur um hversu rasísk utanríkisstefna stjórnvalda er og hversu mikið kynþáttahyggja litar stofnanir samfélagsins. Erum við blind fyrir þessu? Eða bara sátt? Í lokin kemur Ari Trausti Guðmundsson jarðfræðingur og segir okkur frá Reykjaneseldum fortíðar og þeim nýju sem nú eru hafnir og munu líklega halda áfram næstu áratugina.
Helgi-spjall: Margrét Ákadóttirarrow_forward
Í Helgi-spjalli við Rauða borðið segir Margrét Ákadóttir frá uppvexti sínum í Bergþórugötunni, átökum og spennu á heimilinu, útskúfun föður hennar, uppreisn æsku sinnar, hippaárunum, heilunaráhrifum leiklistar, áföllum, sól, geislum og skuggabrekkum.
Vikuskammtur: Vika 45arrow_forward
Í Vikuskammti við Rauða borðið sitja í dag þau Andrean Sigurgeirsson dansari, Anna Sigrún Baldursdóttir hjúkrunarfræðingur og skrifstofustjóri öldrunarmála hjá Reykjavíkurborg, Jóna Benediktsdóttir skólastjóri og formaður Stjórnarskrárfélagsins og Sólveig Arnarsdóttir leikkona og ræða fréttir vikunnar sem einkenndust af óróa ofan jarðar sem neðan, risi og falli, vonum og vonbrigðum.
Gaza, húsnæðiskreppa og fátæktarrow_forward
Við fáum Erling Erlingsson hernaðarsagnfræðing og Helen Ólafsdóttur öryggisfulltrúa til að ráða í ástandið á Gaza, hvert það getur leitt og hvernig það á að enda. Síðan koma þær Vilborg Oddsdóttir félagsráðgjafi og umsjónarmaður innanlandsstarfs Hjálparstarfs kirkjunnar, María Pétursdóttir, formaður húsnæðismálahóps ÖBÍ réttindasamtaka og Þórdís Bjarnleifsdóttir úr stjórn Leigjendasamtakanna og segja okkur frá húsnæðiskreppu hinna fátækustu, en eins og öllum má vera ljóst bitna afleiðingar gjaldþrota húsnæðisstefnu helst á þeim sem ekki geta keypt sig frá hörmungunum. Í lokin segir Sanna Magdalena Mörtudóttir okkur frá fólkinu sem er á fjárhagsaðstoð sveitarfélaganna, hefur ekki í önnur hús að leita.
Utanríkismálanefnd, spillt samfélag, grimmd og heimskaarrow_forward
Við fáum kjarna úr utanríkismálanefnd að Rauða borðinu til að ræða stöðuna í Gaza og Úkraínu og stöðu Íslands í háskalegum heimi. Hvernig sér fólkið í nefndinni stöðu heimsmála: Diljá Mist Einarsdóttir frá Sjálfstæðisflokki, Logi Einarsson frá Samfylkingu og Bjarni Jónsson frá Vg. Við höldum áfram að kortleggja Kolkrabbann, Bláu höndina, Skuggabaldur og Eimreiðina. Nú er komið að Sigmundi Erni Rúnarssyni blaðamanni að segja frá sinni reynslu. Í lokin ræðum við lífsgátuna sjálfa við Bjarna Karlsson guðfræðing, hvers vegna við erum svona grimm og heimsk. Hann hefur skrifað bók, Bati frá tilgangsleysi, þar sem hann greinir hjörtu okkar, félagslega umhverfi og samfélagi og bíður upp á lausn.
Skammir Ásgeirs, hefnd bláu handarinnar og húsnæðismál aldraðraarrow_forward
Við fáum Ragnar Þór Ingólfsson formann VR og Ástu Lóu Þórsdóttur formann hagsmunasamtaka heimilanna til að rökstyðja kröfur sínuar um Ásgeir Jónsson bankastjóri Seðlabankans verði rekinn. Hvað gerði hann af sér? Má reka hann? Næst kemur Þór Saari og segir okkur frá kynnum sínum af Bláu höndinni, Eimreiðarklíkunni og fjórflokknum. Og í lokin segir Gísli Jafetsson, formaður öldungaráðs VR, okkur frá húsnæðiseklu aldraðra, hver er þörfin og hvers vegna er svona lítið gert.
Helgi-spjall: Jasminaarrow_forward
Jasmina Vajzović Crnac er uppkomið flóttabarn frá stríðsátökum í fyrrum Júgóslavíu. Hún segir frá ætt sínum og uppruna, fjölskyldu og flóttanum frá stríði og ofbeldi, áföllunum og minningunum og hvernig þetta hefur litað líf hennar.
